🔥 Authentic Arabic Chicken Shawarma | Soft Bread, Juicy Chicken & Albaik Garlic Sauce 🌯

Assalam-o-Alaikum viewers! Umeed hai Allah ke fazal se aap sab khairiyat se honge. Aaj hum banane ja rahe hain bohat hi mazedar Arabic Chicken Shawarma. To chaliye shuru karte hain Bismillah-ir-Rahman-ir-Raheem. Dough Tayar Karna Sab se pehle hum shawarma bread ke liye dough tayar karenge. - Is ke liye: 4 cup maida 2 tablespoon yeast 1 teaspoon namak 3 tablespoon dry milk powder 4 se 5 tablespoon oil Sab se pehle maiday mein yeast, namak aur dry milk powder daal kar mix kar lein. Ab oil add karein aur neem garam pani thora thora daalte hue soft dough gundh lein. Pani ahista ahista daalna hai takay dough zyada naram na ho. Jab dough tayar ho jaye to is par halka sa oil laga kar dhak dein aur 2 ghante ke liye garam jagah par rakh dein. - Chicken Marination Ab hum chicken ko marinate karte hain. Is ke liye: 1 kilo chicken thigh pieces 2 tablespoon dahi 1 tablespoon paprika powder 1 tablespoon zeera powder ½ tablespoon garam masala powder 1 tablespoon hing powder 1 teaspoon kali mirch powder 1 tablespoon kuti lal mirch ½ teaspoon darchini powder 1 tablespoon adrak lehsan paste Chicken mein tamam masalay aur dahi daal kar achhi tarah mix kar lein. Hamari family spicy khana pasand karti hai is liye hum ne masalay thore zyada rakhe hain. Aap apne taste ke mutabiq kam ya zyada kar sakte hain. - Ab chicken ko 1½ se 2 ghante ke liye marinate hone ke liye rakh dein. Sirkay Wala Salad Ek bowl mein: 10 tablespoon sirka Hasb-e-zaiqa namak Thori si kali mirch Sab cheezon ko mix kar lein aur is mein pyaz ya sabziyan daal kar poora din rakhein. Is se shawarma ka taste bohat mazedar ho jata hai. Albaik Garlic Sauce Ek cup pani mein cornflour gholein aur halki aanch par pakayein. Musalsal chalate rahain jab tak mixture transparent na ho jaye. - Ab is mein: 7 se 8 lehsan ki kaliyan Thora sa oil Add kar ke blend kar lein aur creamy garlic sauce tayar kar lein. Chicken Grill Karna Marinated chicken ko baking tray mein rakh kar oven mein 180°C par 15 se 20 minute ke liye grill kar lein. Jab chicken achhi tarah pak jaye to nikal kar patli strips mein cut kar lein. Shawarma Assemble Karna Ab dough se roti tayar karein. - Roti par: Garlic sauce Chicken strips Salad Cheese (optional) Daal kar roll bana lein aur halka sa toast kar lein. Final Result Hamara mazedar Arabic Chicken Shawarma bilkul tayar hai. Dekhiye kitna juicy aur delicious lag raha hai. Agar aap ko hamari recipe pasand aaye to video ko Like karein, Share karein aur channel ko Subscribe karna na bhooliye. Milte hain agli zabardast recipe ke saath. Allah Hafiz! - #ArabicChickenShawarma #ChickenShawarma #ShawarmaRecipe #HomemadeShawarma #ArabicFood #StreetFood #EasyRecipe #GarlicSauce #NaeemGulRecipes #FoodLover #PakistaniFood #KitchenRecipes #RecipeVideo #YummyFood #Foodies