Haram ko Kushtey e Khanjar ki yaad aaye gi - Old Nauha from Lucknow by Janab Sultan Suroor Lucknowi

Old Nauha from Lucknow - Haram ko Kushtey e Khanjar ki yaad aaye gi Poet: Janab Suroor Lukhnawi Recited by: Anjuman Garoh e Hussain, Lucknow - Tanveer Haider Naqvi (Hilal) ========================= Haram ko Kushtey e Khanjar ki yaad aaye gi Watan pohuch kar bhare ghar ki yaad aaye gi Haram ko Kushtey e Khanjar ki yaad aaye gi Nazar padi jo kabhi Maan ki adh-khile gul par Tabassum-e-Ali Asghar ki yaad aaye gi Haram ko Kushtey e Khanjar ki yaad aaye gi Bilak ke qabr pe Besheer ko na jaao Rabaab Khule gi neend to Maadar ki yaad aaye gi Haram ko Kushtey e Khanjar ki yaad aaye gi Rabab bali Sakina ko roye gi din-bhar Andheri raat mein Asghar ki yaad aaye gi Haram ko Kushtey e Khanjar ki yaad aaye gi Uthey gi koye bhi mayyat jab eithraam ke saath Bahen ko Laash-e-Sarwar ki yaad aaye gi Haram ko Kushtey e Khanjar ki yaad aaye gi Madina kaap uthey ga Bahen ke naalon se Watan mein jab bhi biradar ki yaad aaye gi Haram ko Kushtey e Khanjar ki yaad aaye gi Sar-e-Hussain se ro kar kaha Sakeena ne Tumhe bhi kya kabhi dukhtar ki yaad aaye gi Haram ko Kushtey e Khanjar ki yaad aaye gi Bahen ko aakhri rukhsat mein dekh lo Shabbir Gala katey ga to Khahar ki yaad aaye gi Haram ko Kushtey e Khanjar ki yaad aaye gi Rida chhine gi to yaad aaye ga Furaath ka Sher Rasan bandhi gi to Akbar ki yaad aaye gi Haram ko Kushtey e Khanjar ki yaad aaye gi Na jaao ganj-e-Shaheeda ki simt ai Zainab Base Basaye hue ghar ki yaad aaye gi Haram ko Kushtey e Khanjar ki yaad aaye gi Suroor* rok bhi jaye bhi pusht ke aihwaal Lahed mein gardan e Sarwar ki yaad aaye gi Haram ko Kushtey e Khanjar ki yaad aaye gi ===== Please Comment / Like / Share / Subscribe. You can download a BAYAAZ of all nauhas on this channel from: https://archive.org/details/BayaazOfO... Please Like my Official Facebook Page :   / oldnohay   #OldNohay #NohaWordings #LucknowNauhas #LucknowAnjuman #QadeemiNauha #NauhaLyrics