ដើម្បីឆ្លងផុតអន្ទាក់ចំណូលមធ្យម កម្ពុជាត្រូវការសាជីវកម្មឯកជនរឹងមាំ និងមានភាពរស់រវើកបន្ថែមទៀត

ដំណើររឿងនៃសេដ្ឋកិច្ចរបស់ប្រទេសកម្ពុជាក្នុងរយៈពេលជាងពីរទសវត្សរ៍កន្លងមកនេះ បានបង្ហាញនូវសន្ទុះដ៏គួរឱ្យចាប់អារម្មណ៍។ ពីប្រទេសដែលព្យាយាមងើបកសាងខ្លួនឡើងវិញក្រោយសង្គ្រាម និងជម្លោះផ្ទៃក្នុងដ៏រ៉ាំរ៉ៃ បើគិតចាប់ពីទសវត្សរ៍ឆ្នាំ១៩៩០ មក បានប្រឹងប្រែងរហូតក្លាយជាប្រទេសដែលមានអត្រាកំណើនសេដ្ឋកិច្ចលឿនបំផុតនៅអាស៊ីអាគ្នេយ៍ក្នុងទសវត្សរ៍ឆ្នាំ ២០០០ និងទសវត្សរ៍ឆ្នាំ ២០១០។ បើមើលពីចន្លោះឆ្នាំ ២០០០-២០១៩ កម្ពុជាបានកត់ត្រាកំណើនសេដ្ឋកិច្ចប្រចាំឆ្នាំជាមធ្យមលើស ៧% ដែលធ្វើឲ្យប្រទេសយើងស្ថិតក្នុងតារាងនៃប្រទេសមានសេដ្ឋកិច្ចរីកចម្រើនលឿនបំផុតមួយលើពិភពលោក។ កំណើនទាំងនេះត្រូវបានជំរុញដោយការវិនិយោគបរទេស ការនាំចេញ ការអភិវឌ្ឍហេដ្ឋារចនាសម្ព័ន្ធ និងការលូតលាស់នៃសហគ្រិនភាពរបស់ប្រជាពលរដ្ឋកម្ពុជា។ ប៉ុន្តែបន្ទាប់ពីសម្រេចបានកំណើននេះ សេដ្ឋកិច្ចកម្ពុជាក៏ដូចជាសេដ្ឋកិច្ចសកលបានប៉ះទង្កិចដោយវិបត្តិកូវីដ១៩ បន្ទាប់មកសង្កត់បន្ថែមដោយវិបត្តិអតិផរណាបណ្ដាលមកពីសង្គ្រាមរុស្សី-អ៊ុយក្រែន រនាំងពន្ធគយរបស់រដ្ឋបាលលោក Donald Trump សង្គ្រាមឈ្លានពានពីប្រទេសសៀម ហើយចុងក្រោយនេះវិបត្តិថាមពលដោយសារសង្គ្រាមនៅតំបន់មជ្ឈឹមបូពា៌កំពុងគំរាមកំហែងផ្នែកផលិតកម្ម និងបញ្ហាទំនិញឡើងថ្លៃ ធ្វើឲ្យចំណាយក្នុងការរស់នៅមានភាពតឹងតែងជាងមុន និងប៉ះពាល់ផ្នែកខ្លះទៀតដោយសេដ្ឋកិច្ចខ្មៅបង្កឡើងដោយ Online Scam។ ទោះបីជាទំហំសេដ្ឋកិច្ចបន្តមានកំណើន ឆ្លុះបញ្ចាំងពីភាពរឹងមាំនៃម៉ាក្រូសេដ្ឋកិច្ចក៏ដោយ ប៉ុន្តែស្ថានភាពមីក្រូសេដ្ឋកិច្ចកំពុងរងសម្ពាធ បណ្ដាលមកពីគ្រួសារ និងអាជីវកម្មខ្នាតតូចថមថយប្រាក់ចំណូល ដោយសារតែការប៉ះទង្កិចសេដ្ឋកិច្ចដូចបានរៀបរាប់ខាងលើ។ ខណៈពេលប្រឈមសម្ពាធនេះ យើងសម្លឹងឃើញភាពខ្វះចន្លោះមួយនៃតួនាទីរបស់វិស័យឯកជន សម្រាប់ធ្វើជាខែលការពារដ៏រឹងមាំដើម្បីជួយទប់ទល់វិបត្តិសាកលដែលបាន និងកំពុងកើតឡើងថ្មីៗនេះ។ កម្ពុជាត្រូវការបង្កើនល្បឿនកសាងរចនាសម្ព័ន្ធរបស់វិស័យឯកជនដើម្បីជួយជំរុញឆ្ពោះទៅមុខក្នុងដំណាក់កាលបន្ទាប់នៃការអភិវឌ្ឍរបស់ប្រទេសកម្ពុជា ត្បិតគិតត្រឹមបច្ចុប្បន្ន កម្ពុជាខ្វះខាតសាជីវកម្មឯកជនក្នុងស្រុកខ្នាតធំ មានកម្លាំងប្រកួតប្រជែង និងភាពធន់ខ្ពស់ ជាពិសេសកម្ពុជានៅមិនទាន់មានក្រុមហ៊ុនជើងឯកជាតិសម្រាប់ប្រកួតប្រជែងក្នុងតំបន់ និងពិភពលោក ខណៈប្រទេសជិតខាងសុទ្ធតែមាន និងកំពុងក្រុមហ៊ុនជើងឯកជាតិរបស់ពួកគេ។ 0:00 Intro 3:36 សេដ្ឋកិច្ចនៅខ្វះការគាំទ្រពីក្រុមហ៊ុនឯកជនខ្នាតធំច្រើនទៀត 8:05 ហើយហេតុអ្វីមិនអាចពឹងលើតែក្រុមហ៊ុនបរទេស? 11:59 អភិបាលកិច្ចល្អជាគន្លឹះនៃការប្រកួតប្រជែង 12:48 ក្រុមហ៊ុនឯកជន ប៉ុន្តែបេសកកម្មសម្រាប់ជាតិ -------- Noted: This video contains a combination of real footage and AI-generated visual sequences for illustrative and cinematic purposes. But the most scenes of the whole video are real. #poipetinsider #HighImpactContent #business #businessowner #cambodia #investment #economy #phnompenh #investment