-Cummins qsk19 review-معرفة كل شيئ عن محرك كمنزqsk19-افضل محرك من انتاج كمنز-best Cummins engine

بسم الله الرحمن الرحيم اهلا بيكم من تاني مع فيديو جديد في عالم المحركات النهارده الفيديو الثاني :وهنتكلم عن محرك كمز qsk19 وهو النسخة الحديثة من المحرك k19 الي اتكلمنا عليه في الفيديو اللي فات المحرك بداء انتاجه للسوق الاميركي والاوربي سنة 1995 وبعدها بسنة واحدة بدأت عملية الانتشار حول العالم . المحرك بيقدر يقدم قدرة بداية من 525 الي 750 حصان ولان المحرك 6 سلندر عدل فاصبح بيجي كبديل اقتصادي لمحركات كتير اشهرها كمنز v28 وكتربيلر 3412 وديترويد 12v-92 واصبح بينافس في فئة high horse power وبكده تخطي مرحلة المنافسة مع محرك كمنز k19 وكاتربيلر 3408واللي كانو بيتنافس في فئة الheavy duty والحقيقة ان فيه سببين للموضوع ده اولهم يرجع لاستبدال طريقة التحكم في المحرك ككل فاصبح موجود ecm وده اختصار ل electronic control module او في بعض الاحيان بيكون اسمه ecu وده اختصار لelectronic control unit وبالعربي يعني وحدة التحكم الالكتروني والسبب التاني هو استبدال نظام حقن الوقود واضافة وتعديل الماتريال لبعض المكونات في المحرك نفسه ومن غير ماندخل في تفاصيل فنظام التحكم في الوقود كان نقطة الفيصل في التسمية المحرك تم تطويره علي مرحلتين المرحلة الاولي لما طوره المحرك في اول نسخة منه سنة 1995 استبدلو PT Fuel systemب quantum fuel system , CELECT وده نظام حقن وقود بيتحكم عن طريقه في توقيت حقن الوقود للرشاش اما عملية حقن الوقود كانت بتم عن طريق تاكيه الرشاش نفسه ذي النظام القديم ولذلك مش هتلاقي فيه احتلاف في الشكل الخارجي للمحرك كبير عن k19 العادي اللي اتكلمنا عليه بس هتلاقي فيه ecm زيادة ومجموعة التحكم في الوقود ورشاشات جاز مختلفة وتربو وطامبورة المروحة كبيرة شوية وتغير في ادابتور الكرتيرة وكامة اكبر وزودو ترس في نهاية الكرك علشان حساس السرعة وتعديل في وش السلندر علشان يتناسب مع التصميم الجديد. المحرك بينزل 18,9 لتر 18900 سيسي المحرك بيحتاج 32.2 لتر مياه تبريد علشلن تملي المكنة بس بلتة تعريف المحرك بتكون في نفس المكان القديم فوق الاويل كولر ورقم المحرك لو مالقتهوش هتلاقيه مطبوع علي جسم المحرك من عند طلمبة الزيت اما بالنسبة للنسخة التانية اللي تم تطورها فاسمها qsk19 mcrs وتم انتاج اول محرك عام 2005 المحرك بينزل 6 سلندر عدل سعته 19000 سيسي بنسبة انظغاط 16:1 بينزل عليه تربو ومبرد هواء المحرك وزنة حوالي 1970 كيلو جرام وده بتظهر فيه اختلافات كتير عن المحرك k19 العادي و qsk19 quantum system فتم التعديل في البلوك نفسه وتقدر تميزه بفتحات الحساسات والي مكنتش موجوده في K19 العادية ووصلات الرشاشات اللي علي شكل زجزاج وطلمبة الجاز والي شبه الكمبروسور والتربو هنا بيتبرد بالمياه فهتلاقي وصلات المياه قدامك ده من بره اما من جوه فهتلاقي الكرنك عليه ترس السرعة والرشاشات مختلفه تماما ومش هتلاقي ولا تاكيه ولا سيخ للرشاش ولا هتلاقي حدبة الرشاش علي الكامة وده بسبب ان التحكم بقي عن طريق التحكم الالكتروني الكامل في حقن الوقود