Fianakaviana modely

Fianakaviana fakan-tahaka Ny fianakavian'i Terezikely Fa ambony indrindra ny sitrapon'Andriamanitra Zary rivotra iainana isan'andro ny lanitra Zato isan-jato kristianina Miavaka izany raha tanjom-piainana Fa Andriamanitra no voalohan-daharana Ny fahamasinany no tsara hianarana Fianakaviana fakan-tahaka Ny fianakavian'i Terezikely Mifampirary mba ho olomasina Sy maniry ny hafa koa ho tonga masina Fianakaviana vosedra ireo Tsy mba matahotra fitsapana Aretina maro no efa niaretana Lasa rano fisotro ra-fahafatesana Fiv: Ry Andriamanitra Ray misaotra Anao izahay Ry Zanaka sy ny Fanaky, mankasitraka anareo koa izay nanome anay fianakaviana modely ho anay Maniry ho masina toa azy ireo izahay Ray tia zanaka sy tena miavaka Ianao ry Dada Louis Martin Loharano nipoirany nahitany masoandro Ianao 'lay Neny maha-te ho tia ry Zélie Guerin Ray aman-dreny fitaratra ireo Nikolokolo sy nanabe Mba ho masim-piainana ny rehetra Ny ho tonga olomasina re no tarigetra Mbola kely i Terezy dia nahafoy ny ainy Ny ho karmelita no masaka an-tsainy Tao no nanamafy ny fahamasinany Izay notovoziny tamin'ny fianakaviany "Nomen'Andriamanitra Ray sy Reny Mendrika lanitra noho ny tany" Dia mivavaka foana hatrany hatrany Mba ho tafahaona rehefa any an-danitra any Fiv: Ry Andriamanitra Ray misaotra Anao izahay Ry Zanaka sy ny Fanahy, mankasitraka anareo koa izay nanome anay fianakaviana modely ho anay Maniry ho masina toa azy ireo izahay Fianakaviana modely ianareo Fianakaviana modely ho anay ianareo (x3)