Të ushqehemi shëndetshëm . Projekt nga mësuese Majlinda Leka.Shkolla "Naim Frashëri,, Tiranë.

Fusha: Lënda: Edukim fizik, sporte dhe shëndet. Shkalla:3 Klasa: 6 B Koha: 45 minuta. Tema njohuri: Kontributi i veprimtarisë fizike dhe ushqimit në përmirësimin e shëndetit të përgjithshëm. Situata e të nxënit: Bisedë, veprimtari dhe kuriozitete mbi ushqimin. Rezultatet e fushës.Nxënësi/sja: Argumenton ndikimin e veprimtarisë fizike dhe sportive në organizmin e njeriut . Identifikon ushqime të ndryshme të shëndetshme për organizmin. Argumenton rëndësinë e ushqimit me kripëra dhe vitamina në paraadoleshencë. Demonstron aftësi të komunikimit dhe i përshtat ato në situatat e diskutimit në grup. Fjalët kyçe: Veprimtari fizike, ushtrime fizike, aktivitet, ushqim i shëndetshëm, kripëra dhe vitamina. Burimet: Programi IZHA, materiale burimore sipas temës. Lidhja me fushat e tjera: Shkencat ekzakte dhe ato shoqërore Zhvillimi i orës mësimore Pjesa e parë : Mësuesi fton nxënësit të diskutojnë mbi: mbi figurën e dhënë, piramida ushqimore dhe duke u mbështetur në pikat: • Ushqimi i shëndetshëm, kontribut i sigurtë në funksionimin e trupit tonë. • Kë quajmë ushqim të shëndetshëm. • Kripërat dhe vitaminat. • Veprimtaritë fizike ditore që kontribuojnë në përmirësimin e funksionimit te trupit tonë. Pjesa e dytë: Paraadoleshenca dhe adoleshenca, rëndësia e një ushqimi të shëndetshëm në këtë fazë të rendësishme të zhvillimit të fëmijës. Rëndësia e një ushqimi të balancuar dhe pasur me kripëra dhe vitamina. Kujdesi nga dietat. Shpjegimi i rëndësisë së aktivitetit të vazhdueshëm fizik në zhvillimin shëndetshëm të aparatit skeletor- muskulor dhe funksional të trupit, sidomos kur ndërthuret me një ushqim cilësor. Kë quajmë jetë cilësore. Veprimtari për nx. 1) Ndarja në grupe. Caktimi i liderit të grupit. Ndarja në : Vitaminat,kriperat,uji. Renditni disa vitamina, kripëra dhe jepni rëndësinë e tyre në organizëm. Grupi i ujit të rendisë rëndësinë e ujit në organizëm gjatë aktivitetit fizik. 2)Shembuj të formave të ndryshme të veprimtarisë fizike nga jeta e përditshme, si dhe diskutojnë mbi përfitimet që kanë marrë prej tyre. Vlerësimi: Vlerësohen për përgatitjen, diskutimin, pjesëmarrjen aktive, respektimin e mendimit të shokut. Sqarim për kolegët: Ora e teorisë nuk është e detyryeshme të kryhet vetëm në klasë, ajo mund të kryhet edhe në palestër, apo në natyrë, si veprimtari rekreative, mjaft që të jetë e mundur realizimi i rezultateve të orës mësimore.