Të ushqehemi shëndetshëm

A e dini se sa vakte duhet të konsumojmë ne fëmijet që shkojmë në kopsht? Po e gjetët, gjithsej 5 vakte në ditë. 3 janë vaktet kryesore: mëngjesi, dreka dhe darka. Gjithashtu fëmijët mund të konsumojnë edhe diçka paradite dhe pasdite. Mos harroni fëmijë të dashur, vakti më rëndësishëm është mëngjesi, kështu që nuk mund ta anashkaloni. Cilat janë ushqimet që duhet të konsumojmë ne fëmijët që shkojmë në kopsht? Drithërat duhet ti konsumojmë 4 deri 6 herë në ditë. Dhe a e dini që patatet, orizi, makaronat përmbajnë shumë drithëra? Gjithashtu ne duhet të knosumojmë 4-5 herë në ditë perime të ndryshme dhe fruta të freskëta. A e dini që ato përmbajnë shumë vitamina? Mishi duhet ngrënë 3 herë në javë, pasi ka shumë proteina që i bëjnë mirë trupit tonë. A e dini që edhe peshku është shumë i pasur me proteina dhe duhet ngrënë një herë në jave? Është mirë që 3 herë në ditë të konsumojmë qumësht, kos dhe djathë. Sa të shijshme janë ato! Mos harroni 2 herë në javë duhet të hamë vezë. Po ju i hani fasulet, thjerrëzat dhe bizelet? Janë kaq të shijshme dhe të rëndesishme për trupin tonë pasi përmbajnë vitamina, proteina. Dhe sigurisht gjërat e ëmbla sa më rrallë, pasi ato nuk janë të shëndetshme. Por, doktorët thonë që një sasi e vogël në ditë, psh, një lugë me reçel apo mjaltë është ok. Gjithashtu, mos harroni të pini ujë sa më shpesh gjatë ditës. Organet tona nuk funksionojnë dot pa ujë. Që të rritemi shëndetshëm duhet të konsumojmë ushqime që i duhen organizmit tonë.