ناسنامەی کریستیانەکان و مێژووی ئاینەکە لە کوردستان

هەمیشە ناسنامەی کریستیانەکان جۆرێک لە ناڕوونی تێدایە. هەندێک بە کلدان، ئاشوری، کورد و ناسنامەی تری نەتەوەیی ئاماژەیان پێدەکەن. ئایا ئەوان کێن؟ گەشتی گەڕان بەدوای وەڵامی ئەو پرسیارەدا، شتی سەیر و چاوەڕوان نەکراو دەخاتە ڕوو. بۆ نموونە کە ئاینی ئێزدی لە سەرەتای سەدەی یەکەمدا ئاماژەی پێکراوە. کە ناوی کوڕی پادشای هەولێر لەو سەردەمەدا بە کوردە تۆمارکراوە. جگە لەوە، هەندێک لە شوێنەکان چۆن لە بنەچەدا بە گوندی مادی/کوردی ئاماژەیان پێکراوە و دواتر ناسنامەیان گۆڕاوە لەگەڵ گۆڕینی ئانیەکەدا بۆ ئاینی کریستیان. هەروەها بەهۆی هەلومەرجی کوردستان لە سەرەتای سەرهەڵدانی ئاینەکەدا، یەکێک لە دوازدە هاوەڵانی حەزرەتی عیسا خۆی هاتۆتە کوردستان و ئەمڕۆش کڵێسایەکی مێژوویی گرنگ لە ڕۆژهەڵاتی کوردستان بە ناویەوە دانراوە. لە ڕاستیدا کاتێک کە ئاینەکە لە کوردستاندا بڵاوبووەتەوە، هێشتا بەشی زۆری ئەوروپا ئاگاداری ئاینی کریستیان نەبوون. ئەم ئەڵقەیە ئەو مێژووە ناڕوون و گرنگە دەخاتەڕوو.