NUG ပြုပြင်ပြောင်းလဲရေးကို ဘယ်လို အဓိပ္ပာယ်ဖွင့်မလဲ - BBC News မြန်မာ

ဘီဘီစီမြန်မာပိုင်းရဲ့ ဒီတစ်ပတ် သတင်းမြင်ကွင်း အစီအစဥ်မှာ အမျိုးသား ညီညွတ်ရေး အစိုးရ NUG အဖွဲ့ ရဲ့ ပြုပြင်ပြောင်းလဲမှု ဆိုတဲ့ အပေါ် သုံးသပ်သွားမှာ ဖြစ်ပါတယ်။ မြေပြင်ပေါ် လူတွေနဲ့ တိုက်ရိုက် ထိတွေ့နေတဲ့ ပြည်သူ့ကာကွယ်ရေး၊ ပြည်သူ့အုပ်ချုပ်ရေးနဲ့ ပြည်သူ့လုံခြုံရေး ဆိုတဲ့ NUG ရဲ့ ပ ၃ လုံး ယန္တရား အပေါ် အထူး အာရုံစိုက်ထားပါတယ်။ NUG ရဲ့ ထိန်းချုပ် စိုးမိုး နယ်မြေတွေမှာ အလုပ်သမားရေး ဒုဝန်ကြီး ဦးကျော်နီ ရောက်နေပြီး တာဝန် ဝတ္တရားတွေ ထမ်းဆောင်နေပါတယ်။ သူဟာ ပြည်ထဲရေးနဲ့ လူဝင်မှု ဒုဝန်ကြီး အဖြစ်လည်း ပူးတွဲ တာဝန်ယူထားပါတယ်။ ဦးကျော်နီကို ပ ၃ လုံး ယန္တရား ပြုပြင်ပြောင်းလဲရေး အကြောင်း မေးမြန်းထားပါတယ်။ နောက်ပါဝင်ဆွေးနွေးထားတဲ့ သူကတော့ ဒေးဗစ်မက်သီဆန်ဖြစ်ပါတယ်။ သူဟာ နိုင်ငံတကာ လူ့အခွင့်အရေးအဖွဲ့ HRW နဲ့ အာရှဖောင်ဒေးရှင်း အဖွဲ့တို့မှာ အဆင့်မြင့် တာဝန်တွေ ယူခဲ့ပြီး မြန်မာ့အရေးကို နှစ်ပေါင်းများစွာ အနီးကပ် စောင့်ကြည့်နေခဲ့သူ ဖြစ်ပါတယ်။ ဘီဘီစီသတင်းထောက် ကိုဝေဖြိုး စီစဥ် တင်ဆက်ထားတာကို ဩဂုတ်လ ၁၆ ရက်၊ စနေည မြန်မာစံတော်ချိန် ည ၈ နာရီ အချိန် ဘီဘီစီမြန်မာပိုင်းရဲ့ ဖေ့စ်ဘုတ် စာမျက်နှာနဲ့ ည ၈နာရီခွဲ အချိန် ဘီဘီစီမြန်မာပိုင်းရဲ့ ယူကျုချန်နယ်တို့ကနေ ထုတ်လွှင့်သွားမှာမို့ စောင့်မျှော် ကြည့်ရှု နိုင်ကြပါတယ်။ #ဘီဘီစီမြန်မာပိုင်း #သတင်းမြင်ကွင်း