شەرەفنامە نوسینی : میر شەرەفخانی بەدلیسی مێژووی ماڵە میرانی کوردستان بەشی سێیەم

منداڵێک بووم ، تەمەنم لە چاردە بەھاری تێنەپەڕاندبوو لە خوێندەواریشدا ھێز و پێزێکی تەواوم نەستاندبوو ،کە بۆ یەکەم جار لەسەر دەلاقەی دیوەخانی قەرەنیاغای مامەش کتێبێکم بەرچاو کەوت ، بە درشتی لە پشتی نوسرابوو { شەرەفنانە } چەند پەڕێکم لێ ھەڵدایەوەو ئەمدیو و ئەو دیوم کرد، ھەر ئەوەندەی تێگەیشتم کە تاریخەو ئیتر چیترم بۆ نەبرایەوە سەر یەک. ساڵ ھاتن و ساڵ چوون ، دەماو دەم لەو و لەمم دەبیستەوە کە شەرەفخان لەسەر فڵان ڕووداو ئاوای فەرمووە و شەرەفنامە وای باسی فیسارە کەسی کردووە. تازە زانیم ئەو شەرەفنامەی کە من ھیچم لێ نەزانیبوو، مێژووی کورد و کورستانە و کوردێکی گەلپەروەر و خاوەن ھونەر بە فارسی نووسیویە و وەریشی گێڕاوەتە سەر زۆر زمانان و دوو جاریش لە لایەن دوو کوردی زاناو دڵسۆزەوە کراوە بە عەرەبی ، واتە ئەو مێژووە ھێژایەی کوردە، ھەر بە زمانی کوردی نەبێ ، بە ھەموو زمانێک دەست دەکەوێ... ناوی پەرتووک : { شەرەفنامە } مێژووی ماڵە میرانی کوردستان بابەت : مێژووی کورد نوسینی : میر شەرەفخانی بەدلیسی وەرگێڕانی : مامۆستا ھەژار موکریانی خوێندنەوەی : جیھاد حەمید ئامادەکردنی : کاوە حەسەن