کتێبی دەنگی ڕاپەڕینی کورد بە ڕابەریی سمکۆ

کوردستان بە هەزاران ساڵ نەک هەر ناوچەی سنوور بگرە لەمپەڕی نێوان دوو، یا پتر لە دوو ئیمپراتۆری بووە. هەرچۆنێ بووە، قەت نەبووە کە وەک ئەفغانستان لە ڕووی سیاسیەوە بەجیابووبێ، بەڵکو نزیکەی پێنج سەدە لە نێوان دوو ئیمپراتۆریی عوسمانی و ئێراندا دابەش کراوە. بەڵان دیسان تەبیعەتی وڵاتەکە وایە کە ئەم دوو ئیمپراتۆریەش وەک داگیرکەرانی بەر لەوان، هەر دەسەڵاتێکی زۆر کزیان بە سەر کوردستاندا بۆ سەپاوە، حوکمی ڕاستەوخۆیان بە دەگمەن بۆ ڕاگیراوە، ئەوەبووە زۆرتر وەک کە ئێستاش لە هەندێ شوێن هەیە، هەر جۆرە حوکمێکی ناڕاستەوخۆ لە ڕێی ئاغاوەتی ناوخۆوە بەجێ هێنراوە. ئەم نێوانەی کە بە چەندین سەدە لەگەڵ دەوڵەتی گەشەکردوودا هەبووە، نەدەکرا هەر تەئسیری قووڵی بەسەر نەریتی کۆمەڵایەتیی کوردستاندا هەبێ. کاتێک عوسمانی زۆربەی کوردستانیان کردە بەشێک لە قەڵەمڕەویان لە دەوری ساڵی ( ١٥١٥ ) ئەوسا چەندین ئەمارەتی تێدا هەبوون، کە لە گەورەیی و ڕادەی پەرەسەندنی نەریتیاندا وەک یەک نەبوون، هەندێکیان زۆر کۆن بوون و ڕژێمی سیاسییان کەم تا زۆر لەوەی دەوڵەتانی یەکێتی عەشیرەتە تورکمانەکانی قەرەقۆینلوی دەکرد… ناوی پەرتووك : ڕاپەڕینی کورد بە ڕابەریی سمکۆ بابەت : مێژوو نووسینی : م.م. فان بروونەسن وەرگێڕانی : شێرکۆ هەژار خوێندنەوەی : شەهاب پێکهاتووە لە ( ١٠ ) بەش لەگەڵ جوانترین ڕێزدا و بە هیوای کاتێکی تژی لە بەختەوەری بۆ ئێوەی بەڕێز. ⬇️