訪楊千嬅直率爆連串笑料 黎文傑被笑爆自嘲鬼拍後尾枕

訪楊千嬅直率爆連串笑料 黎文傑被笑爆自嘲鬼拍後尾枕 平時唔少娛樂新聞受限於電視播映時間限制，唔少活動中訪問都要摘取當中重點播出，犧牲唔少好笑畫面。不過呢日初出茅廬冇幾耐嘅同事 Cyrus黎文傑 ，遇到前輩 楊千嬅 時，唔止勇爆自己出世當年就係對方出道一年，仲自爆《女神配對計劃》中嘅女神興趣一般，雖然面對轉數快EQ高嘅千嬅，不過依然未被嚇窒，今次對佢嚟講應該學到唔少嘢喇。 千嬅呢日現身一個慈善晚宴，接受採訪時先向Cyrus拜託向ENews老朋友 許文軒 問好，之後又大讚現場演出嘅馮允謙演出同才華都冇得頂。Cyrus繼面問到，早前千嬅曾提及多次申請紅館檔期都未獲批，而以「歷程」形容就引發大笑姑婆千嬅嘅反客為主喇。 千嬅笑完兩句，又暗暗指出今年內演唱會將以三面台形式同大家見面，因為Rundown一早已經於腦海當中，相隔7年一定要於紅館演出，其他場地之後再作打算。 話題之後轉往家庭，千嬅就指囝囝Torres將返港升讀高中，亦希望繼續同囝囝以朋友方式相處。Cyrus此時亦被千嬅問及，認為同父母相處以朋友方式最放鬆，佢再問到Torres有冇Puppy Love時，Cyrus就被千嬅追問殺個措手不及，指就算有戀情子女都一定唔會同父母坦白呀。 千嬅玩得興起，之後被問到7月推出新歌時就繼續整蠱乖巧嘅Cyrus，之後又話題一轉，指同Cyrus對話猶如新近播出嘅話題節目《女神配對計劃》，大讚節目非常突出咁話，不過Cyrus被問到敢唔敢報名時，就直言對幾位參加女神興趣缺缺，引來全場笑聲，結果千嬅幫佢解圍，笑足全程。 #楊千嬅 #黎文傑 #歷程 #紅館 #三面台 #Torres #育兒之道 #PuppyLove #隱瞞 #女神配對計劃 #冇興趣 #7月新歌 #LiveMyLife #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0