池家團聚丨池美麗送金賀老竇池富70大壽 王俊棠開心笑稱要上契

池家團聚丨池美麗送金賀老竇池富70大壽 王俊棠開心笑稱要上契 處境劇《愛・回家之開心速遞》雖然就快告別觀眾，不過都無阻一眾演員們嘅羈絆，就好似「池家」咁，飾演池美麗嘅 鍾凱琪 ，就趁住喺劇中飾演佢爸爸池富嘅 王俊棠 70 大壽兼父親節，相約對方出嚟食飯慶祝，而飾演佢哥哥池子孝嘅 阮政峰 亦有出席，令池家再次團聚。 重溫《愛・回家之開心速遞》精采內容 https://www.mytvsuper.com/tc/programm... 鍾凱琪喺社交平台PO出席當日為王俊棠慶祝嘅影片，片中鍾凱琪問到阿哥佢哋池家嘅家訓時，阮政峰即接住講：「殺人放火金腰帶！」同時王俊棠亦點著近年非常流行嘅互動式蛋糕上面嘅食用糯米紙，露出盒中嘅蛋糕。 為咗幫老竇慶祝，鍾凱琪先送上一幅以「池富」及「王俊棠」寫成嘅藏頭詩字帖，之後又送上足金擺，王俊棠見到即話：「點搞呀咁樣」阮政峰亦適時喺旁邊話：「真係要上契喇！」王俊棠亦點頭稱要上契。鍾凱琪笑住話因為係阿爸嘅70大壽，所以唔可以再送玩具飛機畀對方，氹得呢位哎呀老竇即開心得棒住佢塊面錫咗一啖。 雖然今次係為王俊棠慶祝生日同父親節，但鍾凱琪未有忽略阿哥阮政峰，佢指知道對方家中有老人家，所以送上自己用開嘅藥膏畀對方，但阮政峰就搞笑咁話以為阿妹要派喜帖。 鍾凱琪指自己由細睇王俊棠嘅電影長大，估唔到會因為拍《愛・回家》而多咗個咁錫自己嘅掛名阿爸，佢喺帖文中寫道：「好耐、好耐冇見過『阿爸』啦！因為大家都忙，呢幾年我哋一家人真係好難得先見到一次。今個月初阿爸特登為咗我哋返落嚟香港，連阿哥都出席埋，四個人齊齊整整食飯，嗰種感動真係筆墨難以形容。」 #愛回家之開心速遞 #鍾凱琪 #王俊棠 #阮政峰 #池家 #池富 #池子孝 #池美麗 #生日 #70大壽 #殺人放火金腰帶 #藏頭詩 #池家家訓 #上契 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0