Shuhet ne aksident familja me 4 anetare |Lajme-News

4 anëtarë të një familjeje nga Patosi u shuan në një aksident tragjik, rreth orë 8 e 23 të mëngjesit të së premtes, në aksin Fier-Vlorë në vendin e njohur si “Kripa”. Viktimat janë Eduart Gushi, 44 vjeç, bashkëshortja e tij Silvana 33 vjeçe dhe 2 vajzat e çiftit, Anastasia dhe Eva, 14 dhe 9 vjeç. Familja sapo ishte kthyer nga Greqia dhe ishte duke shkuar me pushime në bregdet me një makinë Toyota me targa greke, kur një makinë luksoze Audi, që drejtohej nga Igli Madani humbi kontrollin dhe i goditi nga pas, siç njoftoi policia. Nga goditja Toyota ka dalë jashtë rruge. Është rrokullisur disa herë dhe ka përfunduar në një kanal. Audi po ashtu doli nga rruga dhe goditi një shtyllë të tensionit të lartë. Për katër anëtarët e familjes Gushi, përplasja ishte fatale. Ata humbën jetën në vend. Kjo është makina e tyre pas aksidentit. Është dashur ndërhyrja e zjarrfikësve për të nxjerrë trupat nga automjeti. Tre të rinjtë që udhëtonin në Audi, Igli Madani, Fabio Lamaj e Glori Selimi mbetën të plagosur. Dy prej tyre u dërguan në Spitalin e Traumës në Tiranë. “Gjendja është stabël. Dy prej pacientëve do t’i transferojmë në Qendrën e Traumës në Tiranë, pacienti i tretë nuk do shtrohet. Thjesht mori një trajtim ambulator e do jetë i lirë nga ana mjekësore. Janë të vetëdijshëm, shfaqje paniku, post traumatike”, tha mjeku Edmond Breshanaj. Disa orë pas ngjarjes policia arrestoi drejtuesin 22-vjeçar të mjetit Audi dhe premtoi zbardhjen e dinamikës së aksidentit. “Dua të siguroj gjithë familjarët dhe të afërmit, si dhe opinionin publik, se aksidenti i sotëm po hetohet me kujdesin maksimal për të nxjerrë të gjitha përgjegjësitë në këtë rast tragjik”, tha zëvendësdrejtori i Përgjithshëm i Policisë së Shtetit, Albert Dervishaj. Burime në vendin e ngjarjes thanë se të dyja automjetet kanë qenë me shpejtësi të lartë, por shpejtësia e Audit, që dyshohet se ka qenë afro 200 kilometër në orë, ka bërë që drejtuesi i tij Igli Madani, të humbë kontrollin e të shkaktojë edhe aksidentin tragjik. Tv Klan SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/