最佳提高最大攝氧量（VO2 Max ）的訓練!!～～根據研究，挪威4X4訓練法係其中嘅最佳方法之一! #最大攝氧量 #抗衰老運動 #香港私人教練

認識EGA艾格健壽體適能-專為香港50+而設的全面健身系統! @https://www.egacm.com; whatsapp852-93201181.~~ 原來挪威4X4訓練法不僅適合頂尖運動員，佢亦都適合中老年人! ~~大家都知道最大攝氧量 （VO2 Max）係衡量心肺健康，同預測壽命長短嘅最重要指標之一。 ~~著名嘅生物醫學家Rhonda Patrick 同好多人都認為，進行最大強度運動對提升最大攝氧量非常有效!! ~~因為呢種最大強度訓練可以透過促進心血管系統、代謝同肌肉嘅生理適應，而達到改善有氧耐力嘅表現。 ～～挪威4X4呢種訓練方法，最近喺全世界嘅耐力運動員中，尤其係喺奧運三鐵冠軍Kristian Blummenfelt、 2020東京奧運1500米冠軍Jakob Ingebrigtsen 同埋鐵人三項世界冠軍Gustav Iden 等等嘅頂尖運動員嘅推崇下​​，變得越來越流行。 ～～透過科學嘅方法同合適嘅訓練，可以有效提升中老年人嘅身體狀況，增強心血管系統，並且可以喺日常生活中保持活力同健康。 ～～有一個研究，科學家將一批50歲嘅人士納入最大強度訓練嘅計畫2年，開始時用左6個月時間，以漸進方式調整佢地身體狀態，然後到進行每週四小時嘅,包括挪威4X4嘅各種運動。結果發現，呢種利用最大強度訓練嘅運動方式，將測試目標嘅心臟結構老化逆轉左 20 年，佢地嘅心臟後來看起來更似30歲人嘅心臟健康狀態！ ～～挪威4X4係高強度間歇訓練嘅一種。佢嘅訓練原理係通過交替進行高強度嘅運動同恢復期嘅方式，大幅提高心肺功能同有氧運動能力​​​​​​。 ～～運動可以以不同形式，包括跑步，踏單車，游泳，橢圓機甚至步行上坡等進行。主要係以監測心率，例如使用心率監測器來確保喺正確嘅強度範圍內訓練，特別係喺高強度階段同埋恢復嘅階段​​​​。 訓練方法 開始進行4X4訓練之前，應該透過輕強度運動10分鐘進行熱身，以提高身體溫度並且減少受傷嘅風險​​。 一個完整嘅4X4訓練包含4分鐘嘅高強度運動，呢個高強度階段應該達到最大心率嘅85%-95%。 跟住係3分鐘嘅低強度同樣運動以作為恢復，呢個恢復階段目標係保持喺最大心率嘅70%或以下。咁樣可以較有效地移除乳酸。然後循環重複四次​​。 呢種訓練方式對提高最大攝氧量、心血管健康、耐力同總體運動表現有顯著效果​​​​​​。