{عيانين بالإبداع}(36) كيمياء التركيز : ليه بتركز في لعبة 8 ساعات… وما بتطيقش تقرأ صفحة واحدة؟

تخيل معايا كده .. واحد قاعد متسمر قدام شاشة بلايستيشن تمان ساعات متواصلة.. عينيه مابترمش، مثانة من فولاذ مابتزنقهوش يدخل الحمام.. ، معدة ناسية ان فيه حاجة اسمها أكل أصلا.. ، وتركيز حديدي لو اتوزع على قارة هيعمل نهضة صناعية في كل دولها.. ده مش عالم ذرة .. ده شاب عادي جدا عاوز يقفل اللعبة الجديدة اللي جابها.. نفس الشاب ده بقى، اللي مخه كان شغال زي كيسة كمبيوتر جيمنج متوحشة من شوية، بيصحى تاني يوم الصبح،.. ييجي يفتح كتاب عشان يذاكر.. يبص في أول صفحة.. و يلاقي نفسه مش طايق يقراها.. صفحة واحدة.. مش قادر يركز فيها.. يبدأ في أول سطر.. يلاقي نفسه سرح بعد سطرين.. يقوم يرجع للأول تاني.. مرة.. و اتنين.. و ١٠.. و في النهاية. بيزهق ويقفل الكتاب و يستسلم... ايه ده؟.. ده نفس الشخص اللي كان مركز في الفيديو جيم ٨ ساعات؟.. دي نفس الدماغ؟.. ازاي ده بيحصل؟.. هو كده بيستعبط ولا كسلان ولا ملبوس ولا ايه حكايته ده؟ أكيد كسلان.. لأنه بيركز بمزاجه وقت مايحب.. و بيطنش بمزاجه برضه.. ده الكلام اللي الشاب ده فضل يسمعه طول عمره.. لغاية ما هو نفسه صدقه.. فهل الكلام ده حقيقي؟ خلونا نجرب ندخل جوة دماغه.. و نشوف بنفسنا.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com