ANG AKING KALAKASAN AY NATUYO | PSALM 22:15-18

Bawat tao ay nagpapahalaga sa kalakasan na mayroon siya sapagkat alam natin na gamit na gamit ito sa maraming bagay. Napakahirap kumilos kung wala tayong lakas, the more na malakas mas maraming maa-accomplish. Kapag tayo ay may mga accomplishments sobrang appreciated natin yung lakas na meron tayo, kitang-kita natin yung value nito and we want to keep it nang mas matagal pa. Kaya lang alam natin na even this thing ay may hangganan. Kahit pa anong mga ritwals ang gawin natin para manatiling malakas hindi natin alam ang mga pwedeng maganap. Maraming ingat na ingat sa katawan, may exercise, tamang pagkain, vitamins, kung anu-ano pang ways, at the end hindi natin hawak ang pananatili ng lakas na ito. Pwedeng mangyari na ang kalakasan natin ay matuyo. Unahin natin sa pag-acknowledge sa pinanggalingan nito, the only Source, our God Almighty. Madalas ito ang problema akala natin tayo ang nag-produce ng lakas. Nalilimutan nga ba natin o binabalewala ang Diyos na nagbibigay ng lakas at nagpapanatili ng ating mga buhay? Araw-araw ultimo ang ating pagbangon mula sa ating mga higaan hindi basta yun nangyayari, ang Diyos ang nag-aadya kung makakabangon pa tayo. This is something na dapat nating ma-realize at pagnilayan. Kilalanin natin ang nagbigay sa atin ng buhay, Siya ang may hawak ng ating huling hininga na isang araw sa nakatakdang panahon ay magaganap. Kung matagpuan mong may lakas ka ngayon papurihan ang Diyos na nagbigay nito dahil sa isang iglap kaya din Niyang bawiin ang lahat ng ipinagmamalaki natin.