Khit Thit Afternoon News |20 July 2026

Khit Thit သတင်းဌာန၏ ဇူလိုင် ၂၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -အကြမ်းဖက်စစ်တပ်က သွင်းကုန်လိုင်စင် တွေကို တင်းတင်းကျပ်ကျပ် ထိန်းချုပ်ထားပြီး လုပ်ငန်းရှင် အများစုကို ခွင့်မပေးတော့ပေမယ့်၊ စစ်ခေါင်းဆောင် မင်းအောင်လှိုင်ရဲ့ သားသမီးတွေနဲ့ ဗိုလ်ချုပ်တွေရဲ့ စီးပွားရေးအသိုင်းအဝိုင်းဆီကနေ သိန်းထောင်ချီပေးပြီး သွင်းကုန်ပါမစ်တွေကို ပြန်ဝယ်လို့ရတဲ့ ဈေးကွက်တစ်ခု ကြီးထွားလာနေတယ်လို့ UMFCCI သတင်းရင်းမြစ်တစ်ဦးက ရန်ကုန်ခေတ်သစ်ကို ပြောပါတယ်။ ကရင်ပြည်နယ်၊ ကော့ကရိတ်မြို့နယ်၊ ကျုံဒိုးမြို့ကနေ မြဝတီမြို့ဘက်ကို စစ်ကူပေးဖို့ တက်လာတဲ့ စစ်ယာဉ်တန်းကို တော်လှန်ရေးတပ်ဖွဲ့တွေက တိုက်ခိုက်ခဲ့တာကြောင့် ကား ၁ စီးတိမ်းမှောက်သွားပြီး စစ်သား ၁၅ ယောက် သေဆုံးကာ ၂၀ ဦးကျော် ဒဏ်ရာရရှိခဲ့တယ်လို့ ကရင်စစ်ရေးသတင်းရင်းမြစ်က ရန်ကုန်ခေတ်သစ်ကို ပြောပါတယ်။ ထိုင်းနိုင်ငံ၊ ချွန်ပူရီခရိုင်တွင် မြန်မာလုပ်ငန်းရှင်တစ်ဦးဆီမှာ ၅ လနီးပါး လုပ်အားခမရဘဲ သွေးထွက် သံယိုဖြစ်တဲ့ အထိ နှိပ်စက်ညှဉ်းပန်းခံခဲ့ရတဲ့ ရွှေ့ပြောင်းမြန်မာအလုပ်သမား အမျိုးသမီးတစ်ဦးရဲ့ အမှုကို မြန်မာသံရုံးကိုယ်စား MOEA ရုံးက အလုပ်သမားဘက်က မကာကွယ်ပေးဘဲ အလုပ်ရှင်ဘက်က ရပ်တည် ကာ ရပိုင်ခွင့်တွေကို မတရားဖြတ်တောက်ပြီး ကျေအေးပေးဖို့ အတင်းအကျပ် ဖိအားပေး လက်မှတ် ထိုးခိုင်းခဲ့တယ်လို့ Myanmar Defender Group ဆီကနေ သိရပါတယ်။ -အမေရိကန်စစ်တပ်ဟာ အမေရိကန်စစ်သားတွေ အသတ်ခံရမှုကို တုံ့ပြန်တဲ့အနေနဲ့ တနင်္ဂနွေနေ့မှာ အီရန်နိုင်ငံအပေါ် လေကြောင်းတိုက်ခိုက်မှုတွေ ထပ်မံလုပ်ဆောင်ခဲ့တဲ့တစ်ချိန်တည်းမှာပဲ အီရန်က လည်း ဂျော်ဒန်နိုင်ငံဘက်ကို မစ်ဇိုင်းဒုံးကျည်တွေနဲ့ ပစ်ခတ်ခဲ့လို့ ဒီစစ်ပွဲဟာ အိမ်နီးနားချင်း အစ္စရေး နိုင်ငံဆီအထိပါ ကူးစက်ကျယ်ပြန့်လာမယ့် အန္တရာယ်တွေ ရှိနေတယ်လို့ အစ္စရေးကသတိပေးပြောဆို လိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။