Khit Thit Evening News |21 July 2026

Khit Thit သတင်းဌာန၏ ဇူလိုင် ၂၁ ရက်ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၁ ရက် ညနေပိုင်း တင်ဆက်ပေးမယ့် သတင်းတွေကတော့ ရန်ကုန်နဲ့ မန္တလေးမြို့တွေမှာ အခုရက်ပိုင်းအတွင်း ပေါ်တာဆွဲဖမ်းဆီးမှုတွေ များလာပြီး လူငယ်တွေ အဆက် အသွယ်ပြတ် ပျောက်ဆုံးနေတဲ့ဖြစ်စဉ်တွေဟာ ဆက်တိုက်ဆိုသလို ဖြစ်လာနေတယ်လို့ ပျောက်ဆုံးသူတွေရဲ့ မိသားစုဝင်တွေနဲ့ ဆွေမျိုးတွေက ပြောပါတယ်။ အကြမ်းဖက် စစ်တပ်ရဲ့ ဖိအားပေးမှုကြောင့် ရန်ကုန်မြို့က ဈေး ၉ ခုမှာ ကြက်ဥတစ်လုံး ၅၅၀ ကျပ်နဲ့ မွေးမြူရေးလုပ်ငန်းရှင်တွေက အလှည့်ကျရောင်းချပေးနေရပြီး ကြက်ဉအလုံးပေါင်း ၁ သောင်းသာ ကန့်သတ် ရောင်းပေးတဲ့အတွက် ခဏလေးနဲ့သာ ကုန်သွားတယ်လို့ ဒေသခံတွေနဲ့ မွေးမြူရေး လုပ်ငန်းရှင်တွေရဲ့ ပြောဆိုချက်အရ သိရပါတယ်။ အာဆီယံ ဘုံသဘောတူညီချက် ၅ ရပ်ကို မလိုက်နာတဲ့ မြန်မာစစ်တပ်အုပ်စုအပေါ်ထိတွေ့ဆက်ဆံမှု မလုပ်ဘဲ ဖိအားတိုးမြှင့်ဖို့ SCEF က အာဆီယံဥက္ကဋ္ဌ ဖိလစ်ပိုင်နိုင်ငံခြားရေးဝန်ကြီးဆီ စာပေးပို့ တောင်းဆိုလိုက်ပါတယ်။ -အမေရိကန်နဲ့ အီရန်ကြား စစ်ရေးပြန်လည်တင်းမာလာတဲ့အချိန် အီရန်ကျောထောက်နောက်ခံပြု ယီမင် ဟူသီအဖွဲ့က ဆော်ဒီအာရေဗျအပေါ် ရေကြောင်းပိတ်ဆို့မှုစတင်လိုက်ပြီဆိုပြီး ဇူလိုင်လ ၂၀ ရက်နေ့ကပဲ ကြေညာလာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။