百年老店神話破滅！點都德「毒腸粉」黑幕曝光！你以為排隊食好嘢，其實係食緊慢性毒藥！所謂正宗手藝，全部都係科技與狠活！

好多人北上，只係想搵平價好食嘅餐飲，點都德呢間廣式早茶連鎖就爆紅全國，深圳單市已有11間分店，每逢周末門店大排長龍，仲標榜九十年老字號，推多款特色點心，當中紅米腸粉、油皇豬腸粉更被網紅大力吹捧，講口感Q彈層次豐富。 大家以為係師傅手工鮮做，實情暗藏食品安全黑幕。今年6月23日國家市監總局抽檢通告曝光，重慶點都德龍湖時代店嘅油皇豬腸粉，檢出米面製品明令禁用嘅脫氫乙酸鈉，每公斤含量達0.556克。 脫氫乙酸鈉防腐力強，但人體可完全吸收，長期過量攝取會損傷肝腎同中樞神經，等同慢性毒藥。店家明知米面製品嚴禁添加，仍刻意違規，皆因腸粉米漿水分高，極易變酸發餿。 點都德全國有88間分店，採用中央廚房模式，工廠流水線統一生產半成品，冷凍配送全國門店，店員只負責加熱上菜。對集團而言，食材保質期直接關係物流同損耗成本，添加違禁防腐劑既能延長存放時間，又能令腸粉維持彈滑韌口感，完美迎合銷售需求。 品牌配方、生產線全部標準統一，重慶分店出事，意味全國門店同款腸粉都有機會含違禁防腐劑，不少北上消費者、來深圳消費嘅香港人，不知不覺長期進食有問題點心。 一味追尋平價性價比，隨時換來健康損失。日後再光顧連鎖網紅茶樓，面對久放不壞、質感過分彈滑嘅腸粉，就要三思，分清食落肚嘅係傳統手藝，抑或是傷身化學添加物。