វីដេអូ៖ ព័ត៌មានរដ្ឋសភាសំខាន់ៗប្រចាំសប្តាហ៍ ពីថ្ងៃទី៦-១០ ខែកក្កដា ឆ្នាំ២០២៦

វីដេអូ៖ ព័ត៌មានរដ្ឋសភាសំខាន់ៗប្រចាំសប្តាហ៍ ពីថ្ងៃទី៦-១០ ខែកក្កដា ឆ្នាំ២០២៦ មានមាតិកាដូចខាងក្រោម៖ ១- រដ្ឋសភានឹងបើកបន្តសម័យប្រជុំរដ្ឋសភាលើកទី៦ នីតិកាលទី៧ នៅថ្ងៃទី១៤ ខែកក្កដាខាងមុខនេះ ដើម្បីពិភាក្សានិងអនុម័តរបៀបវារៈចំនួន៥។ ២- គណៈកម្មការទី៥ នៃរដ្ឋសភា ប្រជុំផ្ទៃក្នុងពិនិត្យសេចក្ដីព្រាងច្បាប់ចំនួន៤។ ៣- គណៈកម្មការជំនាញនៃរដ្ឋសភា ពិនិត្យសិក្សា សេចក្តីព្រាងច្បាប់ស្តីពីការចូលជារដ្ឋភាគីនៃអនុសញ្ញាអន្តរជាតិពាក់ព័ន្ធនឹងឧបករណ៍អាកាសយាន។ ៤- គណៈកម្មការជំនាញនៃរដ្ឋសភា និងតំណាងរាជរដ្ឋាភិបាល ពិនិត្យសិក្សា សេចក្តីព្រាងច្បាប់ចំនួន៣ ដែលមានបំណងលើកកម្ពស់ផលប្រយោជន៍ជាតិ ជំរុញការអភិវឌ្ឍវិស័យឧស្សាហកម្ម សិប្បកម្ម និងបច្ចេកវិទ្យាឱ្យកាន់តែរីកចម្រើន។ ៥- ប្រធានស្តីទីគណៈកម្មការទី៣ នៃរដ្ឋសភាលើកឡើងថា ការអភិវឌ្ឍគឺជាគ្រឹះចាំបាច់សម្រាប់ប្រទេសជាតិ ប៉ុន្តែទន្ទឹមគ្នានេះ ការការពារបរិស្ថានក៏ជារឿងដែលត្រូវគិតគូរ និងមិនអាចខ្វះបានឡើយ។ ៦- ឯកឧត្តម ឡេង ប៉េងឡុង ជួបពិភាក្សាការងារជាមួយឯកអគ្គរដ្ឋទូតនៃសាធារណរដ្ឋសង្គមនិយមវៀតណាមថ្មី ប្រចាំកម្ពុជា ដើម្បីពិភាក្សាពីការពង្រឹងកិច្ចសហប្រតិបត្តិការទ្វេភាគី។ ៧- ឯកឧត្តមបណ្ឌិត កែវ ពិសិដ្ឋ ដឹកនាំកិច្ចប្រជុំពិនិត្យលទ្ធផលការងារចំពោះមុខ ក្នុងការត្រៀមដំណើរទស្សនកិច្ចរបស់សម្តេចប្រធានរដ្ឋសភានៅបរទេស និងការទទួលរៀបចំកិច្ចប្រជុំអន្តរជាតិនានារបស់រដ្ឋសភា។ ៨- ឯកឧត្តម ឃួន ដាវិត អញ្ជើញជាអធិបតីក្នុងពិធីបិទវគ្គបណ្ដុះបណ្ដាលស្ដីពីការប្រើប្រាស់ប្រព័ន្ធសភាអេឡិចត្រូនិក (e-Parliament)។ --------- 🌐 ភ្ជាប់ទៅកាន់បណ្តាញសង្គមរបស់រដ្ឋសភា៖ Telegram: https://t.me/nac_cam Facebook:   / cambodiaassembly   Instagram:   / national.assembly   (X): https://x.com/assemblycam?s=21 YouTube:    / @nationalassemblyofcambodia   TikTok: https://www.tiktok.com/@national.asse... Website: https://www.na.gov.kh/