Orquestra Exploratoria de Blanca 1.0 (Xuño 2018)

Proceso de investigación nunha residencia de longa duración no marco da iniciativa Sonora Escuela de Experimentación, con sede no Centro Negra, en Blanca (Murcia, España), no entorno rural do Valle de Ricote. Ao longo de 6 sesións repartidas nun periodo de 2 anos, traballamos coas integrantes da rondalla La Capaza partindo do seu propio repertorio tradicional coa idea de facilitar experiencias transformadoras a través do son para construir outros imaxinarios e estimular unha conciencia da ecoloxía acústica. A primeira mostra do traballo foi interpretada no 1º Festival De la Raíz al Noise, celebrado no Centro Negra e organizado pola comunidade de artistas AADK Spain.