البيت أول مدرسة نفسية

في سادس حلقة من جلسة صحاب – الموسم الثاني، بنستضيف سارة عزيز في حلقة عن العيلة… وتأثيرها العميق على شخصياتنا، علاقاتنا، وطريقتنا في فهم نفسنا. اتكلمنا عن يعني ايه “عيلة” فعلًا، وإزاي النشأة بتأثر على الطفل من أول سنين حياته، وإيه العلامات اللي ممكن تقول إن العيلة صحية وآمنة نفسيًا. دخلنا كمان في فكرة الحدود بأنواعها المختلفة، وعلاقتها بلغات الحب الخمسة، وإزاي غياب الحدود أو عدم وضوح الأدوار والمسؤوليات داخل البيت ممكن يخلق مشاكل بنفضل شايلينها معانا لسنين. واتناقشنا عن أهمية علاقة الأب والأم كأساس لاستقرار العيلة، وتأثير الدور اللي كل واحد فينا أخده وهو صغير على شخصيته وهو كبير، وفي الآخر حاولنا نفهم: إزاي نبدأ نتخلص من أعباء الطفولة… من غير ما ننكرها أو نهرب منها. حلقة دافئة وصريحة عن البيت، والعلاقات، والحاجات اللي بتشكّلنا أكتر ما بنتخيل عن ضيفتنا سارة عزيز هي معالجة نفسية حاصلة على الماجستير في العلاج النفسي ومتخصصة في حماية الطفل، سارة هي مؤسسة والمدير التنفيذي لمؤسسة «Safe Egypt» (سيف إيجيبت)، التي تأسست عام 2012 بهدف حماية الأطفال من الإساءة والعنف، وتعزيز الصحة النفسية والدعم المجتمعي للأطفال والنساء والأسر. وتعمل سارة عزيز في مجال الدعم النفسي والاجتماعي، ولديها خبرة واسعة في العمل مع الأطفال والمراهقين والنساء والناجين من الصدمات النفسية والعنف، من خلال برامج التوعية والدعم النفسي والتدريب. سارة عزيز عضو في لجنة الشباب بالمجلس القومي للمرأة، وعضو في المجلس القومي للطفولة والأمومة. وعلى مدار السنوات الماضية، تعاونت مؤسسة Safe Egypt مع عدد من المؤسسات الدولية والمحلية، من بينها UNICEF وUN Women وUNFPA وSave the Children، بالإضافة إلى المجلس القومي للمرأة والمجلس القومي للطفولة والأمومة، وذلك من خلال حملات ومبادرات لحماية الطفل ومناهضة العنف ضد النساء. في الموسم التاني، الجلسة كبرت… وبقى معانا ضيوف مختلفين، كل واحد جاي بحكايته وخبرته. فريده وسلمى لسه أصحاب أولاً وأخصائيين نفسيين ثانياً :) بس المرة دي الأصحاب كتروا، وفي جلساتنا هنفتح مساحة لوجهات نظر وتجارب أكتر حوالين الاضطرابات النفسية. كل حلقة موضوع جديد… من القلق والاكتئاب، للعلاقات، للمشاعر، ولحاجات كتير بنعدي بيها ومبنعرفش نسميها. بنحاول نفهم، مش نحكم نقرب الصورة، مش نعقدها ونخلي الكلام عن الصحة النفسية طبيعي زي أي قعدة صحاب… حتى وإحنا بنتكلم عن أصعب الحاجات. سواء بتدور على إجابة، أو مجرد حاسس إنك مش لوحدك… الموسم ده معمول علشانك. مفيش حلول سحرية… بس فيه ناس حقيقية، وتجارب بجد، وكلام ممكن يلمس حاجة جواك. Instagram Account @MentalMatters.fs TikTok Account @MentalMatters.fs YouTube Account @MentalMatters-fs Also available on Apple Podcast Spotify