MHE. RAHMA KASSIM ALI AKAGUA MAENEO YA UTEKELEZAJI WA MRADI WA LARIS

Waziri wa Ardhi na Maendeleo ya Makazi, Mh. Rahma Kassim Ali amesema kukamilika kwa Mradi wa Mfumo wa Usimamizi na Usajili wa Ardhi Zanzibar ni hatua muhimu katika kupunguza na kuondosha tatizo la migogoro ya ardhi nchini. Akizungumza katika ziara ya kukagua maendeleo ya utekelezaji wa Mradi huo katika vituo vitatu vilivyopo katika Mikoa mbalimbali ya Unguja, amesema Mfumo huo wa kisasa utaongeza Uwazi, Ufanisi na Usalama wa taarifa za Umiliki wa Ardhi jambo litakalorahisisha utoaji wa huduma kwa wananchi na kupunguza Migogoro inayotokana na kutokuwepo kwa taarifa sahihi za umiliki. Amesema kuwa Serikali ya Mapinduzi ya Zanzibar imejizatiti kuimarisha sekta ya ardhi kwa kutumia teknolojia ya kisasa ili kuhakikisha haki za umiliki zinalindwa,pamoja na huduma zinapatikana kwa wakati na mazingira bora ya uwekezaji yanaendelea kuimarishwa.