كافي يگلبي كافي تركض وراهم حافي

كافي يگلبي كافي !! تركُض وراهم حافي إنت السبب لو عيني صُبح ومسا ملوعيني إن تِبگا بهوى الحلويني تراك حتماً هافي إنت السبب يا گلبي لو عيني چيفٍ تِربي يَمتيّهيني لدربي يمچدّرين الصافي بالعين بيك إمشندل ضايع طريقي ومندل واحد يفر الهندل واحد يردّ الهافي جس النبض يا زاهر إنت الطبيب الماهر ليلي ونهاري إمساهر والّي هويته غافي هب الهوى و شل حالي ثبرني وآني إشوالي ادعاك العزيز الغالي ويا للأسف متوافي صرت العزيز بزودك يمتفّحات خدودك تراويني عمده نهودك ليّا جِليل انصافي حُبّك ثُبرني بنوبه يلّي لعِبِت بي طوبه إمِن الأزل مكتوبه بيدك تِدير إچتافي حُبّك ضربني براسي يالولّعتني وناسي اظنُّه گلبك جاسي ولّا عليش إتجافي طول إبْعرض مِتجانس رُماني عُشگ العانس شألله بلاني تانِس وآني الچنت متعافي ياللابس النوماوي يالتُكتل ومو ماوي شوَيّه إرحم ابن الحاوي الطاف بهواكم طافي اِرچبت إبلِمَك عَبّالي إيْعَبّرني والمي عالي وصِلت السنينه وتالي بغفله انكِسر مِجذافي كافي انْوهسنا وما ظن فرْح أو عرس ومحاظن جروحي الّي طابن هاظن و شبچي ما استافي يوليد العطيّه وينك دحّج علينا إبعينك منهو التِعَدّا إبْدينك إخماسي لو جِرنافي للموت أظل أهواكه أنسى هلي ومنساكه يالبالگلب ذِكراكه واِسمك سِكن بِشفافي إمودٌع الله وغالي وُحَسبي الله الوالي هذا اقْدَرِي وشوالي وجِدّامه إحنا إضعافي جمر القضا ولا نارك أو يشتفي بي جارك يالغَرّگتني ابحارك شوْصِف قليله وصافي سِج وْتِصَبّر ليما ربّك يِصَرّف غيمه يَگْشَر تراك إبهيمه وعگلك عليه إِخلافي عُمرك شِجي وْاِيّامك يِمشن عكس جِدّامك وفوگ اقْهَرَك لُوّامك صارو عليك احلافي إنسى المضا وآلامُه والما تِهَيّا أولامُه دربك خَطِر والغامُه فرنسي يوغسلافي فِدوَه اِتعبك وغناكه وفِدوَه اسهَرِت عيناكه إنساه وهو يِنساكه بلچي الوَدود يكافي ابونجاح الغضيب رحمه الله