ابونجاح الغضيب سكنتي بنص الگلب يالشامتچ ذباحة

سكنتي بنص الگلب يالشامتچ ذباحة بدالچ ربّ السما ورسولُه أحنا إنريدچ وهجرنا طيب المنام وهالخلگ مرتاحة يخاتون ألف هلا بيچ بهلچ بالحاضر وحچي الناس هو الذي أبعد علينا الشاحة وهلّل وكبّر وجلّ الذي سوّاچه لچ إخدود مثل الگُمر وعيون إلچ طفّاحة وبالله علَي قسم ما أذكر إهتزينا لغيرچ بس لچّه ويقاتلة وسفّاحة دليلي البيچ إنسگم وشلو غرض بي جارچ انصحيني من نفسچ إنچادنچ النصّاحة ولا ريد غيرچ ولاحِت الهوی البيناتنا تظلين إلی الأبد بس وحدچ بالسّاحة تعنيت گصّيت إشاعه بي سُگم ياذيني طبيبين گالو حصو وآخر يگُل قُرّاحة وطبيبين گالو ربو وآخر يگلّي افّادك حصو! ربو! قرحة! وضغط واحتاروا الجرّاحة وانا أدري بعلتي وعرف وانا الطبيب الماهر ولا غير إنتي (مرضي) وِنتي (الشفا) (والراحه) يخاتون لا الله ويّاكم ولا ماهوبة يما زال وجناتي منكم بالدمع سبّاحة ويخاتون ترى الوفي إيشوّر بالإيجافونه وقضا الله من ينكتب ما تمسحه مسّاحة واذا ليل راح وگضا وِنتي إبفكر ملبوكة أنا شهور نار وحطب وسط الگلب لفّاحة وحچايا العدل (فقط مقبولة) ونحيّيها والخباث گد ماحچوا أو هوَلوا (نبّاحة) تحطين فوگ الحسن الطبيعي يا مزيونة جريرين حَب إمحلب وإعلی الصدر قدّاحة والبروت والمسقطي ومطيّب فرنساوي وتصيرين (بلوى الدهر) من كُل عِطر فوّاحة ويخاتون فلا احشك ولا وراكم طيبة يصُحبان عگلي بخطر يالسادة يالمدّاحة ويخاتون بستانكم خير وثُمر ماشالله ويخاتون نفسي أطلبت من هالثمر تفّاحة ويخاتون شنهو العمر من ينگضي بس ضوجة وبعض ناس ياكل هني ونايم رغد للضّاحة ويخاتون فالإنتحار حلُوله مو مقبولة ترى الناس متصدّج ولو هوّلت فضّاحة ابونجاح الغضيب رحمه الله