香港露營好去處 露營好地方 露營地點 廁所優先 營地推介 新手 Solo 初哥 一家人 紙箱焗豬手 好味過紙箱雞 香港露營 廣東話

嚴選香港露營地點，今次以廁所優先，以交通便利為原則，向大家推介幾個官方營地： 黃石營地、大灘營地、扶輪營地、涌背營地、鶴藪營地、大網仔營地、灣仔西及灣仔南營地、貝澳營地 (2022 Nov 荃錦營地依家要預約) 上面幾乎已包含所有擁有「標準洗手間」既官方營地，無加入大嶼山昂坪，係因為車程同埋落車後都遠，標準廁所亦略遠。涌背附近既降下坳營地照計都好，但我自己無去過所以唔加了。 （因疫情關係，以上營地仍然關閉，請留意漁記網站的最新公佈，罰錢無命賠） （2022 年 Nov 終於開返) 上述地點既然有齊最重要既優點，所以最大既缺點當然係人多，閒日都無可能包場 (就算炎夏都有人🤨），初試 solo 驚無人就一流了... 但聽講就管理員巡既反而有賊，可見人先係最恐怖 😒 呢幾個場公假一定係難民營，熱鬧非常，插針都唔入，夜夜笙歌，燈火通明 我試過瞓醒，見到自己外帳同內帳之間，竟然有對唔係我既鞋 🤣 儘量閒日去喇，週末公假真係唔係人咁品，就算連 X 位都包唔到場架 ＃香港 ＃露營 ＃廣東話