ካምፑን የበተነው የጠቅላይ ሚኒስትሩ ስትራቴጂ | ኢትዮ መልሕቅ | Ethio Melhik | Tourism | Ethiopia |

ጠቅላይ ሚኒስትር ዐቢይ አሕመድ በሀገራዊ የምክክር ጉባኤው መድረክ ላይ ኢትዮጵያ ለሶስት አስርት አመታት ስትታመም ለቆየችበት ህመም መድሀኒትን ይዞ የመጣ ነው። ለሺህ ዘመናት የኖረችበትንና የተነፈሰችበትን የቀይ ባህር ወደብ ተነጥቃ የጂኦግራፊ እስረኛ እንድትሆን የተፈረደባት፣ በባዕዳን የጦር ሜዳ ብልጫ ሳይሆን በገዛ ልጆቿ የውስጥ መከፋፈል፣ የመንፈስ መዘናጋትና የታሪክ ስንፍና መሆኑ መሪር ሀገራዊ እውነት ነው። በወቅቱ ህዝብ ያልመከረበትና ውክልና ያልነበረው አካል፣ የሀገሪቱን የውስጥ ፖለቲካዊ መላሸቅ እንደ ምቹ አጋጣሚ በመጠቀም በፈጸመው ታሪካዊ ሸፍጥ፣ ኢትዮጵያ ከባህር መውጫዋ እንድትነጠል አድርጓል። ይህ እኩይ የፖለቲካ ሴራ የተሸረበው የኢትዮጵያን ብሔራዊ ጥቅም እና በቀይ ባህር ኮሪደር ላይ ያላትን ተፈጥሯዊ የጂኦ-ፖለቲካዊ ተጽዕኖ ፈጣሪነት አሳልፎ ለባዕዳን በመስጠት ነበር። ይህ የታሪክ ክህደትን ከማረም ባለፈ በቀጣይ እንዳይደገም ኢትዮጵያ አዲስ የጉዞ ምዕራፍን አሃዱ ብላለች። ኢትዮ መልህቅ የጠቅላይ ሚኒስትር ዐቢይን ንግግር ተመልክቶታል።