አቅጣጫ ቢስ ሆኜ በአለም ውስጥ ስቀመጥ ዘማሪ ሙሉቀን መለሰ | Muluken Melese lyrics

አቅጣጫ ቢስ ሆኜ በአለም ውስጥ ስቀመጥ ዘማሪ ሙሉቀን መለሰ | Muluken Melese lyrics አቅጣጫ ቢሶኝ ባለም ውስጥ ስቀመጥ በጎውን ከክፉ አስተውዬ ሳልመርጥ ውሸትን ከእውነት ጋር በርዤ ስቃይጥ የኃጢአትን ጽዋ ብርሌ ስጨብጥ የሞት ውሃ ጥሞኝ ገልብጬ ስጨልጥ እምነት ወግጄልኝ ብዬ ስሸመጥጥ በጥፋት ባህር ውስጥ ተዘፍቄ ስሰምጥ የዘላለም ቤቴን ትቼው ስፈረጥጥ ወደፊት እያየሁ ወደኋላ ስሮጥ ከፋ ወዳደቀኝ ቦታዬን ስለውጥ ፈተናው በዝቶብኝ ሰውነቴ ደቆ ገላዬ ሰልስሎ አንጀቴ ተጣብቆ ማገልገል አቅቶኝ ኃይሌ እንደ ገል ደርቆ (ኃይሌ እንደ ገል ደርቆ) መቅረዜ ባዶ ነው ዘይቴ ፈሶ አልቆ (ዘይቴ ፈሶ አልቆ) የማበራ መስሎኝ ሳላውቅ ጨልሜያለሁ እንደ ሻማ ስቃጠል ካሰንብቻለሁ ኩራዜ ብቻ አለ እምባው ፈሷል ነቅቶ (እምባው ፈሷል ነቅቶ) ያበራ እንደነበር በሽታው ታወቀ (በሽታው ታወቀ) ንፋስ ነካውና ኩራዜም ጨለመ ተክዬ ያላቆምኩት ድንኳኔም ዘመመ (ድንኳኔም ዘመመ) ቤት መስራት ጀምሬ ሳንቃ ሳይገባበት የሚያጠናክረውም ማገር ሳይዞርበት (ማገር ሳይዞርበት) በቆመው አጥንቴ ጭቃ ለጠፍኩበት ከውጭ ብቻ እንዲታይ በቀለም አስዋብኩት (በቀለም አስዋብኩት) ጣራውን ሳልከድን ማገሩን ሳልጨርስ ጭቃ ለጠፍኩበት ግድግዳው እንዲለብስ (ግድግዳው እንዲለብስ) ባለቱ ላይ ቆሞ አልተመሰረተ በጣራው ትክክል ምሰሶው አልቆመ (ምሰሶው አልቆመ) የማዕዘኑ ድንጋይ ቦታውን አልያዘም ቤቱ ተሰራ እንጂ ደጋፊ አላገኘም የኋላ የኋላ ማዘን አይቀርም (ማዘን አይቀርም) ደጄን በእሳት ሳይሆን በገለባ አጠርኩት ሌባ አረግጦት ገባ ሀብቴን አስወሰድኩት የጠበቅኩት መስሎኝ ቤቴን አዘረፍኩት (ቤቴን አዘረፍኩት) ለሞት የሚጣደፍ ፍቅር ተላላፊ የሰላም ወላፈን አጥር ሰብሮ ጠፊ ስምን አስደልዞ ከህይወት መጽሐፍ ወጥቶ ለጠላት ተማርኮ ለአለም እጅ ሰጥቶ መሸሽ ምን ያዋጣል ከአምላክ ተለይቶ (ከአምላክ ተለይቶ) ቃል ኪዳን አፍርሼ ቆብልዬ ልጠፋ እንደገና ላለም ልደክም ልለፋ (ልደክም ልለፋ) ባቢሎን ትብላኝ ድንበሬን ሳሰፋ የቀረበልኝን ማዕድ ስደፋ (ማዕድ ስደፋ) አንጋጥጬ አየሁ የአቅሜን ስጋፋ የነበረኝ ሁሉ ከእጄ ላይ ተደፋ (ከእጄ ላይ ተደፋ) ሰልሳል ጎመን መስሎኝ አላምጬ ስበላ ሆዳችን ሳይጠግብ በምሬት ተሞላ (በምሬት ተሞላ) ኃጢአትን እንደ እህል አላምጠን ስንበላ ከመንጋው ተለየን ቀረን ወደኋላ (ቀረን ወደኋላ) የሰላምን በረት አፍርሼ ስጋልብ የሚደርስብኝን ክፉውን ሳላስብ (ክፉውን ሳላስብ) ወድቄ ተሰበርኩ አሁን በማላስበው (አሁን በማላስበው) እትብቴም ክርስቲያን ሆኜ ስመላለስ ህይወቴ ተቀጨ ኃጢአት ሳበሰብስ (ኃጢአት ሳበሰብስ) አልተሰበሰብኩም በቃሉ አልታመንኩም እንደ እግዚአብሔር ፈቃድ አልተመላለስኩም በእምነት የቆምኩ መስሎኝ መውደቄን ሳላውቀው (መውደቄን ሳላውቀው) እግሬ በእግዚአብሔር ቤት ልቤ ግን በአለም ነው (ልቤ ግን በአለም ነው)