Khit Thit Evening News |20 July 2026

Khit Thit သတင်းဌာန၏ ဇူလိုင် ၂၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၀ ရက် ညနေပိုင်း တင်ဆက်ပေးမယ့် သတင်းတွေကတော့ -မြန်မာနိုင်ငံရဲ့ နိုင်ငံရေးအကျပ်အတည်းကို ဖြေရှင်းရာမှာ ပြည်သူလူထုရဲ့ ယုံကြည်မှုနဲ့ ၂၀၂၀ ရွေးကောက်ပွဲကတဆင့် ပြည်သူတွေတရားဝင် တင်မြှောက်ထားတဲ့ ဒေါ်အောင်ဆန်းစုကြည်ရဲ့ ပါဝင်ဆောင်ရွက်မှုဟာ မရှိမဖြစ်လိုအပ်တယ်လို့ (NLD) ဗဟိုအလုပ်ကော်မတီက ထုတ်ပြန်လာပါတယ်။ အာဆီယံအနေနဲ့ မြန်မာ့အရေး ကိုင်တွယ်မှု ကျရှုံးနေတယ်ဆိုတဲ့ ဝေဖန်မှုတွေကို ဖိလစ်ပိုင် နိုင်ငံခြားရေးဝန်ကြီးက ပယ်ချလိုက်ပြီး အာဆီယံဘုံသဘောတူညီချက် ၅ ချက်နဲ့အညီ မြန်မာ့အရေးကို ဆောင်ရွက်နေတယ်လို့ တုံ့ပြန်လိုက်ပါတယ်။ ရခိုင်ပြည်နယ်က မြို့ ၃ မြို့ကို အကြမ်းဖက် စစ်တပ်က တစ်ရက်တည်း လေကြောင်းကနေ ဗုံးကြဲတိုက်ခိုက်မှုကြောင့် အရပ်သား ၅ ဦးသေဆုံးပြီး ရဟန်း ၃ ပါးအပါအဝင် ပြည်သူ ၂၉ ဦး ဒဏ်ရာရထားတယ်လို့ အာရက္ခတပ်တော် AA က သတင်းထုတ်ပြန်လာတဲ့အပြင် လက်တုံ့ပြန်မယ်လို့လည်း သတိပေးထားပါတယ်။ အမေရိကန်က အီရန်ကို ကိုးရက်မြောက်နေ့အဖြစ် ဆက်လက်တိုက်ခိုက်နေပြီး ၂ ဖက်အပြန်အလှန်ပစ်ခတ်မှုတွေအတွင်း အမေရိကန်တပ်ဖွဲ့ဝင်တချို့ သေဆုံးမှုကြောင့် စစ်ပွဲပိုမို ကျယ်ပြန့်လာမည့် စိုးရိမ်မှုတွေ မြင့်တက်လာနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။