തുറമുഖ വകുപ്പ് മന്ത്രി കൂടിയായ മുഖ്യമന്ത്രി ഇത് അറിഞ്ഞില്ല എന്ന് പറയുന്നത് എങ്ങനെ വിശ്വസിക്കും

കേരളത്തിന്റെ മുഖ്യമന്ത്രി ആരാണ്? ശ്രീ വിഡി സതീശൻ. കേരളത്തിന്റെ തുറമുഖ വകുപ്പ് മന്ത്രി ആരാണ്? ശ്രീ വിഡി സതീശൻ. കേരളത്തിന്റെ തുറമുഖ വകുപ്പ് സെക്രട്ടറി ആരാണ്? വി. ഡി. സതീശന്റെ തന്നെ സെക്രട്ടറിയായ രത്തൻ യു. ഖേൽക്കർ. എന്നിട്ടും നമ്മുടെ മുഖ്യമന്ത്രി വിഡി സതീശൻ, അദാനി വിഴിഞ്ഞം പോർട്ട് കമ്പനിയുടെ 49 ശതമാനം ഓഹരി ലോകത്തെ ഏറ്റവും വലിയ ഷിപ്പിംഗ് കമ്പനിയായ എം എസ് സിക്ക് കൈമാറി 13,000 കോടി രൂപ സമ്പാദിക്കുന്നത് അറിഞ്ഞില്ല. വിഴിഞ്ഞം തുറമുഖത്തെ സംബന്ധിച്ച് ചുമതലക്കാരൻ മാത്രമാണ് അദാനി. വിഴിഞ്ഞം തുറമുഖത്തിന്റെ ആത്യന്തിക ഉടമസ്ഥാവകാശം കേരള സർക്കാരിന്റേതാണ്, കേരളത്തിലെ ജനങ്ങളുടേതാണ്. വിഴിഞ്ഞം പദ്ധതിയുടെ ഒന്നാം ഘട്ടത്തിൽ ആകെ മുടക്കിയ തുകയുടെ 61.5 ശതമാനവും വഹിച്ചത് കേരള സർക്കാരാണ്—അതായത് 5,554 കോടി രൂപ. എന്നാൽ അദാനി ചെലവഴിച്ചതോ? കേരളം ചെലവാക്കിയതിന്റെ പകുതി മാത്രം, വെറും 2,454 കോടി രൂപ പകുതി മാത്രം നിക്ഷേപിച്ച അദാനി, തങ്ങളുടെ കമ്പനിയുടെ 49 ശതമാനം ഓഹരി എം. എസ്. സി. ക്ക് വിറ്റ് 13,220 കോടി രൂപ സമ്പാദിക്കുന്നു; ഈ ഓഹരി കൈമാറ്റം നടത്തുന്നതിന് മുൻപ് കേരള സർക്കാരിന്റെ മുൻകൂർ അനുമതി വാങ്ങിയിരിക്കണം എന്ന് കരാറിൽ കൃത്യമായ വ്യവസ്ഥയുണ്ട്. എന്നിട്ടും തുറമുഖ വകുപ്പ് മന്ത്രി കൂടിയായ, സ്വന്തം സ്റ്റാഫിലുള്ള വ്യക്തി തുറമുഖ വകുപ്പ് സെക്രട്ടറിയായ മുഖ്യമന്ത്രി ഇത് അറിഞ്ഞില്ല എന്ന് പറയുന്നത് എങ്ങനെ വിശ്വസിക്കും? അത് മാത്രമല്ല, ഈ ഓഹരി കൈമാറ്റത്തെക്കുറിച്ച് സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യയെ (SEBI) അദാനി മുൻകൂട്ടി അറിയിച്ചിരുന്നു. അപ്പോൾ ഇതെല്ലാം നമ്മുടെ മുഖ്യമന്ത്രി അറിയാതെയാണോ നടന്നത്? ഇനി സതീശൻ പറയുന്നത് അങ്ങനെ അപ്പാടെ വിശ്വസിക്കാൻ പറ്റുമോ? കേരളത്തിന്റെ മുഖ്യമന്ത്രിയായി ചുമതലയേൽക്കുന്നതിന് മുൻപ് അദ്ദേഹം ചാർട്ടേഡ് വിമാനത്തിൽ മംഗലാപുരത്തേക്ക് യാത്ര നടത്തിയിരുന്നില്ലേ? കോൺഗ്രസിനെ പിന്തുണയ്ക്കുന്ന മാധ്യമങ്ങൾ പോലും അന്ന് റിപ്പോർട്ട് ചെയ്തത് അദാനി ഗ്രൂപ്പാണ് ആ പ്രത്യേക വിമാനം ഏർപ്പാടാക്കിയത് എന്നല്ലേ? അതിനാൽ തന്നെ കേരളത്തിന്റെ മുഖ്യമന്ത്രിയായ വി. ഡി. സതീശനോ തുറമുഖ വകുപ്പോ ഇത് അറിഞ്ഞില്ല എന്ന് പറയുന്നത് ലവലേശം വിശ്വസിക്കാൻ സാധിക്കില്ല. ഇന്ത്യ മുന്നണി (INDIA Block) യോഗത്തിൽ, ഇടതുപക്ഷത്തിന്റെ 'ഇടതുപക്ഷ സ്വഭാവം' നഷ്ടപ്പെട്ടതിനെക്കുറിച്ച് രാഹുൽ ഗാന്ധി സംസാരിച്ചത് അദാനിയെ മുൻനിർത്തിയായിരുന്നു. രാഹുൽ ഗാന്ധി ഞങ്ങളുടെ ലെഫ്റ്റിസത്തെ ചോദ്യം ചെയ്യാൻ ഉപയോഗിച്ച അതേ വിഷയത്തിൽ, നിങ്ങളുടെ സ്വന്തം മുഖ്യമന്ത്രിക്ക് കേവലമായ അറിവുപോലുമില്ല എന്ന് വന്നാൽ എന്തായിരിക്കും ആ ഭരണസംവിധാനത്തിന്റെ അവസ്ഥ? Welcome to the official YouTube channel of John Brittas, Member of Parliament (Rajya Sabha) and senior journalist. Subscribe to this channel for the latest updates on my parliamentary speeches, political views, and discussions on various social issues affecting our nation. This is the authentic source for all my official video content and public interactions.   / johnbrittasofficial   https://x.com/JohnBrittas   / jbrittas   #JohnBrittas #JohnBrittasMP #KeralaPolitics #IndianPolitics #ParliamentSpeeches