യുഡിഎഫ് അധികാരത്തിൽ എത്തിയതിനു ശേഷം ഇത്ര ദയനീയമായ ഒരു കീഴടങ്ങലിലേക്ക് പോകുമെന്ന് ആരും ചിന്തിച്ചില്ല

യുഡിഎഫ് സർക്കാർ കേരളത്തിൽ അധികാരത്തിൽ വന്നിട്ട് ആഴ്ചകൾ മാത്രമേ ആയിട്ടുള്ളൂ. എന്നാൽ വളരെ പെട്ടെന്നാണ് അവർ നിലപാടുകളിൽ മലക്കംമറിഞ്ഞു കൊണ്ടിരിക്കുന്നത്. കേന്ദ്രവുമായി ബന്ധപ്പെട്ട ഇടപെടലുകളിൽ, ആഴ്ചകൾക്ക് മുൻപ് പറഞ്ഞതെല്ലാം വിഴുങ്ങിക്കൊണ്ടാണ് ഈ മലക്കംമറിച്ചിൽ. 'പിഎം ശ്രീ' പദ്ധതിക്ക് ശേഷം ഇപ്പോൾ 'പ്രൈം മിനിസ്റ്റേഴ്സ് ആവാസ് യോജന' (PMAY-അർബൻ) തുടങ്ങിയ കേന്ദ്രാവിഷ്കൃത പദ്ധതികളിലും യുഡിഎഫ് മലക്കംമറിഞ്ഞു. അത്ഭുതമാണ്, വിസ്മയമാണ് യുഡിഎഫ്! ഇവർ ഏതാനും ആഴ്ചകൾക്ക് മുൻപ് എന്തൊക്കെയായിരുന്നു പറഞ്ഞുനടന്നത്! നരേന്ദ്ര മോദിക്കെതിരെ ശക്തമായ നിലപാട് എടുക്കുന്നത് കോൺഗ്രസും ലീഗും മാത്രമാണെന്നായിരുന്നു നാഴികയ്ക്ക് നാൽപ്പതുവട്ടം അവർ ആവർത്തിച്ചിരുന്നത്. എന്നാൽ ഇപ്പോൾ മോദിയുടെ പേരും ലോഗോയും കേന്ദ്ര സർക്കാരിന്റെ തലോടലും അവർക്ക് സ്വീകാര്യമായിരിക്കുന്നു. കഴിഞ്ഞ എൽഡിഎഫ് സർക്കാർ എത്രയോ വർഷങ്ങളായി ചെറുത്തുനിന്നിരുന്ന ഒരു കാര്യമാണിത്. സാമ്പത്തികമായി പിന്നാക്കം നിൽക്കുന്നവരാണെങ്കിലും അവർക്ക് ആത്മാഭിമാനമുണ്ട്, അന്തസ്സുണ്ട്. അവർക്കുവേണ്ടി നിർമിക്കുന്ന വീടുകൾക്ക് മുകളിൽ "ഇത് ഞങ്ങളുടെ ഔദാര്യമാണ്" എന്ന് കേന്ദ്രസർക്കാർ എഴുതിവെക്കുന്നത് ശരിയായ നിലപാടല്ല. അതുകൊണ്ടാണ് കേരളത്തിലെ മുൻ മുഖ്യമന്ത്രി പിണറായി വിജയനും അന്നത്തെ തദ്ദേശ സ്വയംഭരണ വകുപ്പ് മന്ത്രി എം. ബി. രാജേഷുമൊക്കെ യഥാക്രമം പ്രധാനമന്ത്രിക്കും വകുപ്പ് മന്ത്രിക്കും കത്തുകൾ എഴുതിയത്. ഞങ്ങളെപ്പോലുള്ള ഇടതുപക്ഷ പാർലമെന്റ് അംഗങ്ങൾ എത്രയോ തവണയാണ് ഇത് സംബന്ധിച്ച് പാർലമെന്റിൽ ചോദ്യങ്ങൾ ഉന്നയിച്ചത്. എന്നാൽ ഇന്ന് കേരളത്തിൽ സംഭവിക്കുന്നത് പരിപൂർണ്ണ കീഴടങ്ങലാണ്. നമ്മൾ ഒരു ചെറുത്തുനിൽപ്പിന്റെ പാതയിലായിരുന്നു. യുഡിഎഫ് അധികാരത്തിൽ എത്തിയതിനു ശേഷം ഇത്ര ദയനീയമായ ഒരു കീഴടങ്ങലിലേക്ക് അവർ പോകുമെന്ന് ആരും ചിന്തിച്ചില്ല. സർവകലാശാലകളിൽ നടക്കുന്ന കാര്യങ്ങളും നാം കാണുന്നുണ്ട്; അവ പരിപൂർണ്ണമായും ഗവർണർക്ക് മുന്നിൽ യുഡിഎഫ് അടിയറവെച്ചുകഴിഞ്ഞു. വലിയൊരു ദുരന്തമാണ് ഇപ്പോൾ കേരളത്തിൽ സംഭവിച്ചുകൊണ്ടിരിക്കുന്നത്. ഒരു മിനിമം സത്യസന്ധതയെങ്കിലും കാണിക്കാൻ യുഡിഎഫ് ഗവൺമെന്റ് തയ്യാറാകണം. Welcome to the official YouTube channel of John Brittas, Member of Parliament (Rajya Sabha) and senior journalist. Subscribe to this channel for the latest updates on my parliamentary speeches, political views, and discussions on various social issues affecting our nation. This is the authentic source for all my official video content and public interactions.   / johnbrittasofficial   https://x.com/JohnBrittas   / jbrittas   #JohnBrittas #JohnBrittasMP #KeralaPolitics #IndianPolitics #ParliamentSpeeches