Report TV -Kush janë 50 kriminelët më të kërkuar shqiptarë

Policia e Shtetit vijon që të ripublikojë emrat dhe fotot e personave më të kërkuar nga drejësia shqiptare. E ndërsa dje publikoi pesë emrat e parë nga 50 më të kërkuarit, sot ka nxjerë emrin e gjashtë. Ai është Engjëll Brahimi. "Në datën 10 gusht 2000, në vendin e quajtur “Pishporo”, në Fier, Engjëll Brahimi në bashkëpunim me persona të tjerë, ka vrarë me armë zjarri A. B., punonjës policie, të birin e tij 8-vjeçar, si edhe i ka plagosur nipin 10 vjeç. Engjëll Brahimi është dënuar me burgim të përjetshëm nga Gjykata e Shkallës së Parë Fier, për veprën penale "Vrasje me paramendim, për hakmarrje"" njofton policia.