Krimi në Shqipëri, vrasësit me pagesë që nuk u paguan asnjëherë

- - A2 është një kanal informativ në një partneritet ekskluziv me CNN, me seli dhe qendër kryesore të prodhimit në Tiranë. Web: https://www.a2news.com App: https://www.a2news.com/app Facebook:   / a2cnn   Instagram:   / a2_news   Twitter:   / a2_news   Ngjarjet kriminale të viteve të fundit në Shqipëri kanë shtuar në masë vrasësit me pagesë. I tillë ishte 24 vjeçari Ernejt Shyti i cili qëlloi për vdekje Behar Sofinë 2 javë më parë në Tiranë. Njësoj si ai edhe Mikel Shallari, një tjetër i ri 25 vjeçar banues në Kuçovë kundrejt pagesës vrau ish-komisarin e policisë Artan Cuku në vitin 2017. Një tjetër ngjarje e rëndë ishte dhe vendosja e eksplozivit në Kamëz pak kohë më parë edhe kjo e porositur kundrejt parave për eliminimin fizik të një personi. Në pranga për të ranë vëllezërit Enver dhe Edmond Jakimi si dhe Gjergj Cukali si porositës. Ndonëse ngjarjet e rënda nuk kanë lidhje me njëra tjetrën e përbashkëta e këtyre vrasësve me pagesë është se asnjëri prej tyre nuk mori pagesë pas kryerjes së krimit. Ernejt Shytit i ishin premtuar 50 mijë euro pas ekzekutimit të Behar Sofisë por në prokurori ai tha se nuk i kishte marrë këto para. I riu me profesion bojaxhi jetonte me qira me nënën e tij në kryeqytet, pranë rrugës “Bardhyl” ndërsa u identifikua përmes profilit të ADN-së, kryer nga gjurmët e lëna në rrobat që braktisi pas ngjarjes. 4 vite më parë thuajse me të njëjtën histori për nga mënyra e veprimit u prangos dhe Mikel Shallari. Pasi ekzekutoi ish-komisarin e policisë Artan Cuku në sheshpushimin e pallatit të tij në rrugën e Kosovarëve, 25-vjeçari u largua në këmbë. Ashtu si dhe Shyti ai hoqi rrobat e përdorura në krim dhe i hodhi në një kosh mbeturinash. Gjetja e tyre dhe testi gjenetik çuan në identifikimin e tij. Ernejt Shytit dhe Mikel Shallarit u ishin premtuar para për vrasjet por nuk i morën asnjëherë. Edhe për vëllezërit Jakimi të cilët do të duhet të hidhnin në erë makinën së bashku me objektivin Gjon Mena në Kamëz u ishin premtuar para por që nuk i morën të plota. Nga dosja hetimore Gjergj Cukali u kishte premtuar 40 mijë euro për të eliminuar Menën ndërsa u kishte dhënë vetëm 10 mijë euro vëllezërve. Pjesa tjetër do të merrej pas përfundimit të atentatit. Këto para nuk u morën asnjëherë ndërsa të gjitha historitë përfunduan me prangosjen e vrasësve me pagesë. #A2 #A2NEWS A2 NEWS | CNN Exclusive News Channel Affiliate