كباب طاوة عراقي لثواب أبو عبد الله الحسين 🤲 بأضبط مقادير وأسرار القرمشة الأصلية👍

📋 المكونات والمقادير: اللحم: كيلوين ونص لحم شرح (مفروم مع نصف بصلة عند القصاب). الخضروات: 5 رؤوس بصل متوسطة الحجم + باقة كرفس صغيرة + حبة بطاطا (بتيتة) كبيرة الحجم (وزنها أقل من نصف كيلو بقليل). الطحين: 15 ملعقة كبيرة طحين (القاعدة: كل نصف كيلو لحم يحتاج 3 ملاعق كبيرة طحين فقط علمود ما يضيع طعم اللحم). البهارات (ما نكثر علمود نحافظ على نكهة اللحم الأصلية): ملعقة شاي كركم + ملعقة شاي فلفل أسود + ملعقة شاي كاري + ملح حسب الرغبة. 💡 أسرار نجاح كباب الطاوة (مهم جداً): 1. سر التماسك (عصر السوائل): بعد فرم البتيتة والبصل، لازم تعصروهم وتتخلصون من المي مالتهم تماماً قبل ما تضيفوهم للحم. السوائل الزايدة هي السبب الرئيسي لتفكك الكباب بالطاوة. ملاحظة: إذا كان اللحم طازج (فراش) من القصاب ما يحتاج عَصِر، بس إذا كان مجمد وطلعتوه، راح تنزل منه سوائل، فلازم ينعصر زين علمود الكباباية تطلع ناشفة ومتماسكة وتتقلى بدون ما تتفلش. 2. سر القرمشة (حرارة وكمية الزيت): لازم تقلون الكباب بزيت غزير ويكون ساخن قبل ما تنزلون الكباب. إذا كان الزيت بارد أو دافي، الكباباية راح تشرب زيت وتصير لينة وممرودة، بس الزيت الحار يخليهاتكسب وتصير مقرمشة من برا وطرية من جوا. نعجن المكونات كلها سوة بحب ونتركها ربع ساعة ثم نقليها، وألف عافية.. نسألكم الدعاء وقبول الأعمال 🤲🖤 #كباب_طاوة #عاشوراء #كباب_طاوة #كباب_عراقي #كباب_عروق #المطبخ_العراقي #اكل_عراقي #وصفات_عراقية #اكلات_بغدادية #طبخ_منزلي #أسرار_الطبخ #كباب_مقرمش #العراق #بغداد #سفرة_حسينية