Basha në Peqin: Në mandatin e dytë do të dyfishojmë pensionet në fshat-(18 Prill 2009)

Lajme Arkiva 2009 Në takimin e zhvilluar me banorë të komunës Shezë të Peqinit, Ministri i Punëve të Jashtme, Lulzim Basha, ka dhënë garanci se katër vitet e mandatit të dytë qeverisës të mazhorancës së djathtë do t’i bëjnë shqiptarët dëshmitarë të një mirëqenie që asnjëherë Shqipëria nuk e ka patur, themelet e së cilës tashmë janë hedhur. Ministri Basha ka premtuar se në katër vitet që vijnë, pensionet e dyfishuara dhe infrastruktura moderne do të jenë një realitet i prekshëm për çdo shqiptar. Lulzim Basha: “Në emër të Kryeministrit Berisha, se në 4 vitet e ardhshme ne përsëri do të dyfishojmë pensionet në fshat. Se 4 vitet e ardhshme nuk do të ketë rrugë rurale që lidh fshatrat me qendrat e komunave që nuk do të jetë plotësisht e asfaltuar. Dhe sot, ne kemi 400 milionë euro në bankat tona nga qeveria japoneze, amerikane dhe shumë qeveri mike, për të nisur projektet në mbarë Shqipërinë.” Edhe në këtë takim, Ministri Basha ka premtuar se, brenda pranverës së ardhshme, qytetaret shqiptare do të jenë të lirë e të barabartë me çdo qytetar të Europës. Lulzim Basha. “Se në katër vitet e ardhshme, ne do të bëjmë një progres galopant drejt ëndrrës tjetër të shqiptarëve, që është anëtarësimi i Shqipërisë në BE. Brenda prillit të vitit që vjen qeveria shqiptare, mazhoranca e rivotuar e Sali Berishës nga qytetarët shqiptarë do të bëjë të mundur që çdo qytetar shqiptar që posedon pasaportën biometrike të Republikës së Shqipërisë, atë me kokën e vjetër të dhisë të Skënderbeut, pa asnjë vizë në të, do të lëvizë në çdo vend të Hapësirës Shengen si një qytetar europan dhe kurrë më, as pasaporta, as nderi, as dinjiteti juaj nuk do të nëpërkëmben.” Duke cilësuar si shumë të rëndësishme pajisjen me letërnjoftimet elektronike, Ministri Basha dënoi ashpër qëndrimet bojkotuese dhe bllokuese të Edi Ramës ndaj këtij procesi. Basha u shpreh se kreu socialist po përbalt procesin jetik të pajisjes së qytetarëve me karta identiteti dhe pasaporta biometrike, vendimtare për përmbylljen e lëvizjes së qytetarëve pa viza në Europën e Bashkuar për qëllime të ngushta politike./tvklan.al Gazetari: Eno Luarasi SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/