تهران کې د ايران وژل شوي مشر علي خامنه يي د وير مراسمو پيل، څو ورځې به روان وي - بي بي سي نړۍ دا وخت

ايران کې ويرکوونکو د دغه هېواد وژل شوي روحاني مشر علي خامنه يي، ته د درناوي په وړاندې کولو پيل کړی دی. دا مراسم د تهران مصلی يا د لمانځه لوی ځای کې کېږي. علي خامنه يي د فبروۍ پر ۲۸ مه د ايران پر وړاندې د امريکا او اسرائیلو جګړې پيل کې وژل شوی و. د خامنه مړی به لويه مصلی يا لمانځه ځای کې درې ورځې ايښودل شوی و. ورسره به يې د لور، لمسۍ، زوم او نږور، چې د ايران اوسني ورحاني مشر مجتبی خامنه يي، ښځه وه، مړي هم ايښودل شوي وي. د څو ورځو جنازې او وير لاريونونه د ايران او عراق بېلابېلو ښارونو کې هم پلان شوي، چې بيا به يې راتلونکې پنجشنبې، د ده په ټاټوبي مشهد کې خاورو ته په سپار کېدو پای ته رسېږي. څو دولتي مشران او د څه د پاسه سلو هېوادونو حکومتي چارواکي، چې د افغانستان طالبانو حکومت پلاوی، او د پاکستان لومړی وزير شهباز شريف هم په کې دي، تمه ده، ګډون ولري. علي خامنه يي اوسنۍ زمانه کې د ايران تر ټولو اوږدمهاله دولت مشر و، چې ۳۶ کاله او ۶ مياشتې يې واکمني کړې ده. ځوانو ايرانيانو له ده پرته د بل چا واکمنۍ تجربه نه ده لرلې. واک کې د ده د مشرۍ موده د هېواد په کچه له وار وار احتجاجونو سره مله وه. تر ټولو تازه يې د سږني ۲۰۲۶ کال جنورۍ کې و، چې د ایران اقتصادي ستونزو له امله پارېدلي وو. خو په وحشیانه ډول يې د ځپلو راپورونه هم خپاره شول، چې د بشري حقونو يوې ډلې په وينا په کې له ۶ زرو ډېر کسان ووژل شول. د ايران بشري حقونو فعالانو دا ټولنه د ۱۷ زره نورو مرګونو پلټنه هم کوي. دا خپرونه امان الله عطا وړاندې کوي. #BBCPashto #BBCPashtoTV #BBCNarayDaWakht 0:00 بي بي سي نړۍ دا وخت 0:07 د سر خبر 0:27 تهران کې د علي خامنه يي مړي ته د درناوي مراسمو پيل 2:09 د علي خامنه يي ځايناستی 3:27 د ايران بندر عباس کې حالت 7:26 لغمان کې د ګاډي اوښتو پېښه او مرګژوبله 8:05 بلوچستان کې د بس غورځېدا 8:41 افغانستان کې د ښي لاس شټرېنګونو ګاډو ستونزه 11:36 سودان له بشري حقونو سرغړونو اندېښنې 12:07 امريکا کې ګرمي 12:48 فرانسې کې د ځنګليزو اورونو وژنې هڅې 13:17 کاناډا کې يږو او ځنګیزو ژوو رادار څار 16:20 د فوټبال نړيوال جام خبر 17:18 هنري شېبې، اوونيزه خپرونه Subscribe for more videos: https://www.youtube.com/c/BBCPashto?s... Youtube:    / @bbcpashto   Like us on Facebook:   / bbcpashto   Follow us on Twitter:   / bbcpashto   Instagram:   / bbcpashto