EWURA CCC YATOA ELIMU YA MATUMIZI SAHIHI YA HUDUMA ZA MAJI NA NISHATI SABASABA

EWURA CCC YATOA ELIMU YA MATUMIZI SAHIHI YA HUDUMA ZA MAJI NA NISHATI SABASABA BARAZA la Ushauri la Watumiaji wa Huduma za Nishati na Maji (EWURA CCC) limetumia Maonesho ya 50 ya Biashara ya Kimataifa ya Dar es Salaam (Sabasaba) kutoa elimu kwa wananchi kuhusu matumizi salama ya huduma za maji na nishati, huku likiwakumbusha haki na wajibu wao kama watumiaji wa huduma hizo. Akizungumza katika maonesho hayo, Afisa Uelimishaji na Uhamasishaji Mwandamizi wa EWURA CCC, Lugiko Lugiko, amesema watumiaji wa umeme wanapaswa kutumia mafundi wenye leseni, vifaa bora na kufanya ukaguzi wa mara kwa mara wa miundombinu ili kuongeza usalama. Amesema watumiaji wa maji wanapaswa kufuatilia matumizi yao kupitia mita na kubaini uvujaji wa maji unaoweza kuongeza bili, huku akiwataka watumiaji wa gesi na mafuta kuzingatia taratibu za usalama, kudai risiti na kutumia vituo vyenye leseni ,aidha, amewahimiza wananchi kuhamia matumizi ya nishati safi ya kupikia ikiwemo gesi na umeme kwa kuwa ni salama, zinaokoa muda na gharama pamoja na kusaidia utunzaji wa mazingira.