المطر والليل || كلمات : احمد ابن غيهب — اداء : خالد آل بريك

المطر والليل والبراد والنار الشبوبه ذا علاج الشاعر الي متعبه جو الكئابه مايزين البال في وسط المباني والرطوبه البر الي ننتميله والشتاء ساس الرحابه عزتي للي حياته كلها من تحت طوبه بشروه بضيقتن منها يبا يلقى عذابه التسوق والمقاهي كلها سجه كذوبه ودك انك كل يوم تسج في نجد وهضابه عاد انا في نجد ماسمع للذي يذكر عيوبه في عيوني كل شي بنجد الانجد مرحبابه يوم ادوج بالفياض وفوقي الغرا نصوبه كل همٍ في خوقي صرت اشوف انه دعابه تستويلي ساحة الافكار واطلع بالعذوبه موهبه والموهبه ماهي مثل علم الكتابه الشعر وانا ابن غيهب لو الد العين صوبه مالقيت الي يماري في قصيده ويهقابه مير حدتنا ظروف الوقت والدنيا لعوبه تسرق الايام لين تصير عايش في غرابه الوكاد الشعر في مدح الكفو ماهو عقوبه العقوبه مدح خبلن يجعل بيوتك خرابه والله اني مامدح الي دوب مايستره ثوبه مدحتي للطيب الي وجهه ابيض من ثيابه خالي الي بالمراجل فوق هقوة من هقوبه فالمواقيف القويه ياقف بعزم وصلابه غير الاخلاق الحميده والمكارم مالقوبه لو وراه يدورون اهل النميمه والرقابه تفتخر فيه القبيله والرجوله والعروبه وافتخر به يوم فيني رابطه دم القرابه صاحب الكف النديه لابغيته في وجوبه في مهمات القبيله لابغوه بشي جابه ايه موسى زي موسى فالكرم ماشفت نوبه الكرم طبع القبيله مير يفرق بالتشابه داهيه في حرب لامن مد مداته عجوبه يفني الي فالجيوب وناسيٍ حضرت جنابه مدحتك يابوعمر واجب علينا وإمحسوبه نفتخر وابوعشاير لابتن بالطيب لابه نهجهم في حزت الميقاف يكفي من ينوبه لو صغير السن ياقف مايرد العود جابه من بني مياس والمرقاب فالمجد اعتلوبه فالحميا والشجاعه فعلهم عز ومهابه جعلني عن مدحة اهل المرجله ماقول توبه والردي ياجعلني ماسوق رجلي يم بابه #أحمد_ابن_غيهب #احمد_ابن_غيهب #احمد_غيهب #شعر #شعراء #شعر_حزين #شعر_شعبي #السعودية #اكسبلور #اكسبلور_explore #اكسبلور_فولو #خالد_آل_بريك #خالد_ال_بريك