الصدفه اللي كللت بالنجاحي || كلمات الشاعر: احمد ابن غيهب ——— اداء المنشد : الوليد ال عامر

الصدفه الي كللت بالنجاحي ياجعل يفداها زمان الصواديف عصريةٍ فيها لمحت الصباحي وكل الديار المجدبه شفتها ريف وعقب الكدر حسيت بالانشراحي غيم سمايه واستوت لي على الكيف يامرحبا بك ياظبي البراحي ترحيبة ماهي بتنقال للضيف ترحيبتن في حاكمن بعد راحي عود وشعبه قابله بالغطاريف القلب قصرك والمشاعر تلاحي على لقاك تلطف الصوت تلطيف والله لسلمك الفشق والسلاحي ولا التفت للي تقول الملاقيف ابك انت تجعل كل مجنون صاحي وان جالك الصاحي يعوّد بتخريف ياعود موزن لاقتفته الرياحي صارت عيون الخلق يمه محاذيف وياشبه وضحا مالحقها لقاحي في ذود رجلن مايحسب التكاليف غير السطر والطيش هزعا شناحي تقلط على الفردي بزين التواصيف من دونها ياهيه سمن ذحاحي حرب الحرايب بالسيوف المراهيف يابنت من يقدر لزينك يناحي بين العذارا يشهد الله ماشيف عيونك الثنتين سحرن مباحي يرضابه العاشق ولاعنه تصريف ووجهك عليه من الحيا والسماحي شيٍ عمل بالي يشوفه معاريف سعر الذهب لو مالبستيه طاحي والله ان يرجع مثل سعر المناشيف لكن يزهاك الذهب والوشاحي الي على غيرك خسارة مصاريف ايه اطلبي والي تبينه يتاحي منك الطلب يابنت مافيه تكليف تبت يدين الي يدينه شحاحي الي يسمجها بكثر التحاسيف دربن جمعني فيك درب الصلاحي جيتي وشتتي جميع المواليف ابك اقربي والي مضى بالف ماحي انا قبل جيتك من وقتي معيف نبغى العذوبه والطرب والمزاحي وان كان خفتي ميلة الوقت ياحيف انتي بوجهي من جميع النواحي والله ماتاصلك حتى العواصيف مادام صرتي لايذه في جناحي استامني وانا علي المواقيف خلي حمام الدوح لو كان ناحي ادموع عينك لاتحول مذاريف لايخلفك جو الكدر والصياحي تريحي دامي بروس المشاريف بعلمك كيف الليال الملاحي ف المربعانيه وفي كنة الصيف وعهدن عليه ماتصيبك رماحي مهما فعلتي قاصرٍ دونك السيف واليا وصلنا لين حد البياحي مشاعري على وصالك ملاهيف مبغى سوى وصلن يزوّد كفاحي في هالزمن حتى لو انه تخاطيف ……. #أحمد_ابن_غيهب #احمد_ابن_غيهب #احمد_غيهب #شعر #شعراء #شعر_حزين #شعر_شعبي #السعودية #اكسبلور #اكسبلور_explore #اكسبلور_فولو #الوليد_ال_عامر #المنشد_الوليد_ال_عامر #الوليد_العامر