𝐃𝐊𝐓. 𝐒𝐀𝐌𝐈𝐀 𝐀𝐍𝐀𝐊𝐔𝐒𝐔𝐃𝐈𝐀 𝐊𝐔𝐎𝐍𝐆𝐄𝐙𝐀 𝐌𝐈𝐊𝐎𝐏𝐎 𝐘𝐀 𝐇𝐀𝐋𝐌𝐀𝐒𝐇𝐀𝐔𝐑𝐈 𝐇𝐀𝐃𝐈 𝐀𝐒𝐈𝐋𝐈𝐌𝐈𝐀 𝟏𝟓%: 𝐑𝐀𝐁𝐈𝐀

Katibu wa Halmashauri Kuu ya CCM Taifa, Idara ya Mambo ya Siasa na Uhusiano wa Kimataifa, Ndugu Rabia Abdalla Hamid, amesema Mwenyekiti wa CCM na Rais wa Jamhuri ya Muungano wa Tanzania, Mhe. Dkt. Samia Suluhu Hassan, amekusudia kuongeza kiwango cha mikopo inayotolewa kupitia halmashauri kutoka asilimia 10 hadi asilimia 15 kuanzia mwaka wa fedha 2026/2027. Akizungumza na makundi mbalimbali ya kijamii mkoani Njombe, Ndugu Rabia amesema hatua hiyo inalenga kupanua wigo wa wanufaika wa mikopo hiyo ili pamoja na vijana, wanawake na watu wenye mahitaji maalum, makundi mengine ya uzalishaji mali nayo yaweze kunufaika zaidi. Amesema dhamira hiyo inaonesha nia ya dhati ya Serikali ya CCM chini ya uongozi wa Dkt. Samia Suluhu Hassan ya kuendelea kuwawezesha wananchi kiuchumi, kuongeza fursa za ajira na kuimarisha maendeleo ya makundi mbalimbali ya kijamii. Tembelea: www.ccm.or.tz