KIMENUKA PEMBA MPASUKO ACT PEMBA WANACHAMA TAKRIBANI 2,439 ACT KUJIUNGA CCM

ACT KUJIUNGA NA CCM PEMBA Wanachama wa Chama cha Upinzani cha ACT Wazalendo Takribani 2,439 Kisiwani Pemba Wamekihama Chama hicho na kujiunga na Chama Cha Mapinduzi (CCM). Wanachama hao wamechukua Uamuzi huo leo tarehe 15 Februari 2025 katika Mapokezi ya Makamu Mwenyekiti wa CCM Zanzibar, Mgombea wa Urais wa Zanzibar DKt, Hussein Ali Mwinyi Uwanja wa Mauwani, Kiwani Mkoa wa Kusini Pemba Wanachama hao walirudisha Kadi za Chama cha ACT na Kukabidhiwa Kadi za Uanachama za Chama Cha Mapinduzi. Miongoni mwa Wanachama hao yumo aliyekuwa Katibu wa ACT wa Mkoa na Mwenyeikiti wa ACT wa Mkoani Pemba Nd, Rashid Saleh Mohd pamoja na aliyewahi kuwa Mwakilishi wa Jimbo la Chonga Kisiwani Humo Hijja Hassan Hijja. Wakizungumza katika Mkutano huo Viongozi hao wameleeza kuvutiwa na Sera na utekelezaji wa Ilani ya CCM kwa mafanikio makubwa. Idadi hiyo ya Wanachama wa ACT waliokihama ni kubwa zaidi ambayo haijawahi kutokea tangu kuanzishwa Mfumo wa Vyama Vingi vya Siasa mwaka 1992. Makamu Mwenyekiti Dkt, Hussein Ali Mwinyi aliongoza Kupokea kadi hizo na hatimae Wanachama hao Wapya wa CCM walivaa kwa mara ya Kwanza Sare za Chama Cha Mapinduzi Kiwanjani hapo.