Жаңақорғанда мемлекеттік қызметшілер марапатталды

#qyzylordatv Жаңақорған ауданында да Мемлекеттік қызметшілер күніне арналған салтанатты шара өтті. Мерекелік жиында ауданның әлеуметтік-экономикалық дамуына үлес қосып жүрген үздік мамандар марапатталды. Мемлекеттік органдар қызметкерлері, сала ардагерлері мен жас мамандар бас қосқан шарадан тілшіміз тарқатсын. Мемлекеттік қызмет – жауапкершілігі жоғары, талабы қатаң сала. Ауданның тыныс-тіршілігі мен тұрғындардың мәселесін шешуде бұл мамандардың еңбегі ерекше. Бүгінде Жаңақорған ауданында 189 мемлекеттік қызметші еңбек етеді. Олардың қатарында тәжірибелі маман да, еңбек жолын енді бастаған жас кадрлар да бар. Кәсіби мерекеге арналған салтанатты шарада аудан әкімі мемлекеттік қызметшілерді төл мерекесімен құттықтап, олардың қоғамдағы рөліне тоқталды. Мерекелік жиында бірқатар мемлекеттік қызметші марапат төрінен көрінді. Солардың бірі – Жаманбай батыр ауылдық округінің әкімі Әлібек Абдуллаев. Ол мемлекеттік қызмет саласында 13 жылдан бері еңбек етіп келеді. Осы уақыт аралығында ауылдың әлеуметтік-экономикалық дамуына бағытталған көптеген жобаның жүзеге асуына үлес қосқан. Мемлекеттік қызметші үшін басты міндет – халықтың сенімін ақтау. Сондықтан бұл саладағы әрбір жетістік пен марапаттың артында тұрғындардың мәселесін шешуге бағытталған қажырлы еңбек жатыр. Сайт - https://qyzylordatv.kz/ru/live Facebook -   / qyzylordatv   Instagram -   / qyzylordatv   Telegram - https://t.me/qyzylorda_tv Tiktok -   / qyzylorda_tv