ကုန်းဘောင်ခေတ် ဘာလို့အဆုံးသတ်သွားရတာလဲ? | The Falls of Konboung Dynasty | 8K UHD

တတိယမြန်မာနိုင်ငံတော်လို့ခေါ်တဲ့ ကုန်းဘောင်အင်ပါယာကြီးဟာ သီပေါမင်းလက်ထပ်မှာ အပြီးတိုင်ကျဆုံးခဲ့ပါတယ်။ အဲဒီကစလို့ မြန်မာနိုင်ငံရဲ့ ပဒေသရာဇ်နိုင်ငံရေးဟာလည်း ဆုံးခန်းတိုင်သွားခဲ့ပါတယ်။ ဗြီတိသျှတို့ရဲ့ တိုင်းပြည်အုပ်ချုပ်မင်းလုပ်တဲ့သူကို သူ့အလိုလိုအဆုံးသတ်သွားအောင် သင်းသတ်ခြင်း ဒါမှမဟုတ် အစွယ်ချိုးခံရခြင်းကို သီပေါမင်းဟာ လူသိရှင်ကြားခံလိုက်ရခြင်းပဲဖြစ်ပါတယ်။ ဒါပေမဲ့ တိုင်းပြည်သူ့တစ်ပါးအောက်ရောက်ရခြင်းဟာ ဒီ သီပေါမင်း တစ်ယောက်တည်းရဲ့ အမှားကြောင့်မဟုတ်ပါဘူး။ သီပေါအပါအဝင် ရှေးမင်းအဆက်ဆက်ရဲ့ မဆင်မခြင်လုပ်ရပ်တွေ၊ ကိုယ့်ကိုယ်ကိုအထင်ကြီး မောက်မာမှုတွေ၊ ငါကဆရာကြီးပဲဆိုတာအထာတွေ၊ အမျှော်အမြင်မရှိမှုတွေ၊ ပြောင်းလည်းနေတဲ့ခေတ်ကို မလိုက်နိုင်တာတွေ စတာတွေနဲ့ ကမ္ဘာကိုပတ်ပြီး နယ်ချဲ့၊ သယံဇာတတွေကို အငမ်းမရ လိုချင်တက်မက်နေတဲ့ ဗြီတိသျှကိုလိုနီတွေနဲ့တွေ့တဲ့အခါ တိုင်းပြည်ဟာ တစ်ချပ်ခြင်းကွာကျနေတဲ့ အုပ်နံရံတစ်ခုလိုဖြစ်ပြီး နောက်ဆုံး သီပေါရဲ့ လက်ထပ်မှာ အကုန်လုံးပြိုကျခဲ့ရတော့တာပါပဲ။ ဒီနေရာမှာ သီပေါမင်းသာ တိုင်းပြည်ကိုစည်းလုံးအောင် ပြည်လည်တည်ဆောက်၊ တိုင်းပြည်စစ်အင်အားကို ခေတ်မီအောင်ပြင်ဆင်၊ နန်းတွင်းစည်းလုံးမှုကိုလည်း ထိန်းချုပ်နိုင်ခဲ့မယ်ဆိုရင် တိုင်းပြည်ကျွန်ဘဝရောက်ရမှာမဟုတ်ပါဘူး။ တကယ်တော့ ကုန်းဘောင်မင်းဆက်အားလုံး မတော်ခဲ့ကြတာတော့မဟုတ်ပါဘူး။ ဦးအောင်ဇေယျ၊ ဆင်ဖြူရှင်၊ မင်းတုန်းနဲ့ ကနောင်မင်းသားကြီးတို့ဟာ တော်ခဲ့ကြပါတယ်။ မင်းတုန်းမင်းလက်ထပ်မှာဆိုရင်လည်း ကိုလိုနီနယ်ချဲ့ရန်ကိုတားဆီးဖို့အတွက် အနောက်နိုင်ငံတွေဆီ ပညာတော်သင်တွေလွှတ်ပြီး တိုင်းပြည်တိုးတက်အောင် ကြံဆောင်ခဲ့တာပါ။ ယခင်ကမရှိခဲ့တဲ့ ပြည်သူတွေကို အခွန်ကိစ္စမျှတအောင်လုပ်ခြင်း၊ ရတနာပုံသီတင်းစာထုတ်ဝေခြင်း၊ ငွေကြေးအတွက် ဒင်္ဂါးထုတ်စက်တွေ ပြည်ပကမှာပြီး ထုတ်လုပ်သုံးစွဲခြင်းနဲ့ အခြားမြောက်များစွာသော စက်မှုနဲ့ဆိုင်တဲ့ကိစ္စတွေကို အမျှော်အမြင်ကြီးစွာ တည်ဆောက်ခဲ့ပါတယ်။ ညီတော်ကနောင်မင်းသားဟာဆိုရင်လည်း နိုင်ငံတော်ကာကွယ်ရေးမှာ ခေတ်နောက်မကျစေဖို့အတွက် လက်နက်ခဲယမ်းများတည်ထွင်ခြင်း၊ အမြောက်များထုတ်လုပ်ခြင်းနဲ့ ရေမြုမ်ဗုံးစတဲ့ကိစ္စရပ်တွေကို အင်တိုက်အားတိုက်လုပ်ခဲ့ကြပါတယ်။ ဒီလိုအမျှော်အမြင်ရှိတဲ့အုပ်ချုပ်သူတွေရှိခဲ့ပေမဲ့လည်း သီပေါရဲ့လက်ထက်မှာတော့ ကုန်းဘောင်အင်ပါယာနဲ့အတူ မြန်မာတစ်နိုင်ငံလုံး သူ့ကျွန်ဘဝရောက်ခဲ့ရပါတော့တယ်။ ဒီအကြောင်းအရာတွေကို ဒီဗွီဒီယိုမှာ အပြည့်အစုံဖော်ပြတင်ဆက်ထားပါတယ်ခင်္ဗျား။ Portal Ninety