عهود البدو ... علي بن محمد | كلمات عناد الشيباني

"عهود البدو" جديد الفنان علي بن محمد كلمات الشاعر عناد الشيباني مهيوبات الشعل للمالك رجل الأعمال مشعل بن جدعان الزيادي .. للتواصل والاستفسارات : الحسابات الرسمية لـ قناة ابو يعقوب . ‏Official Whatsapp : https://api.whatsapp.com/send?phone=9... .. | عهود البدو | الكلمات : نسيم الصباح .. وحنة البل واذآن العود ونجرٍ يدل الطرقي .. بـ صوته الشادي ودارٍ هواها يشرح الخاطر المضهود على جال نار .. وجمعةٍ جوهاا هادي لو تشوفها فيروز حبت " حنين الذود " وعافت نسيم الصبح من مفرق الوادي سعادة وامآن .. وكل ذي نعمةٍ محسود عسى الله يحفظني من عيون حسادي احس ان دخان الحطب مثل ريح العود واحس الهوى ماله طعم غير فـ بلادي ..! واشوف الجبال الشامخه خضر لو هي سود واشوف النفل والربله اطيب من الكادي سعودي وافاخر يوم حكامنا ال سعود وياقف لنا التاريخ .. هجري وميلادي وطنا هواه .. يفوح بـ المسك والكمبود وطنا على العالم سطع نجمه البادي ..! نعيش بـ رغد والشكر لـ الواحد المعبود ونحفظ ما جاء فالمصحف وسنة الهادي لنا دولةٍ عظمى .. وغايه ورا المقصود وقايد .. نشوفه عادل وفذ وقيادي وعراب رؤيتنااا معه راينا معقود نصادق من يصادق .. نعادي من يعادي وحنا البدو ساس الوفا والفخر والجود وحب الوطن فـ اقلوبنا الخضر متمادي عطينا العهد والبدو ما ينقضون عهود ومن دون حد الدار بـ / ارواحنا انفادي ونفخر بحب البل وتاريخهاا المشهود ومن لامنا في حب .. موروثنا غادي هوية وطنا لـ اجلها نبذل المجهود ونشكر حكومتنا على الدعم لـ النادي هذا المهرجان اللي تجيه الجموع وفود وهذي مفاخر قومي ومكسب اجدادي نحب التنافس والتحدي بـ ادب وحدود ولا نقبل اللي عن هل السلم متحادي ترانا هل البل يوم .. كان البرا مردود واهل صيتٍ مشرف .. وتاريخٍ سيادي لا هبت هبوب النود نشرب هبوب النود واذا سيق فنجال الفخر نشربه عادي تقادح حمايانا .. ليا صار قدح زنود نجي كلنا ماعندنا موقف حيادي وكلٍ نعده سيف فالماقف المحمود ولا فيه سيفٍ ينقلب موس ردادي لا منا دخلنا الشوط قام الحماس يزود مع انه قبل ما ندخله يعتبر هادي يا مشعل يا ابن جدعان ياسيفنا المجرود يارمز الشموخ .. ومعلم الطيب الارشادي من ابسط حقوقك تارد العيلم القرهود وترهى على الاول مدام انك زيادي ! تقدم وقل ما احدٍ بـ فايز وانا موجود ..! وهذا زماني وارضي وهذي امجادي جعلت الشعل شعلة مثل شعلة البارود ونزحت روسٍ ترفع الصوت وتنادي ما تحسب كم المدخول والا كم المردود تقول النوادر كلها غاية مرادي مجمل عتيبه يالنفيعي وحنا شهود وصيتك يقول الطيب في يوم ميلادي حضرت بـ سمو الشعل اميرة جيع الذود حضور الثقه مع دربه .. النصر متقادي شناحٍ سمت مثل اسمها ماعليها زود وهي في رماح تشوف برقٍ ورا الوادي ..! خسارتك فيها مكسبٍ ما عنه منشود ربحت وكحلت عيون حساد وآعادي تجي لـ الصياهد ضامنه فوزها المعهود وبيصير فوزٍ هالسنه ماهو بعادي سمو الشعل تبغى عتيبي عريب جدود ما يفتح مجال البيع لو قفل النادي !!