ردية الشاعر حسان الكريمي و الشاعر صياف الحربي | أداء صوت الحجاز فهد سلمان & شاهر الوعيلي | حصرياً 👏🏻

فكرة واشراف : الشاعر عبدالله بن فايز .. تم التسجيل باستديو ناي م / حمود بشر .. تم التوزيع والمكساج باستديو مسارات م / عبدالله الشلوي ___________________________________ كلمات المحاوره : حسـّان الكريمي يامرحبا بالضيوف اللي لفو من كل حدب وصوب ترحيبةٍ وافيه والوافيه عندي براهينها الليله الملعبه فيها عتيبه والبقوم وحروب والعمله الغاليه مابيننا قرت موازينها صيـّاف الحربي كملت واجبك كله وانت راعي نوب وتسد نوب والطيب اللي يدور للعلوم تجيه من حينها الله يبارك لكم يأهل الشمال اللي سريتو جنوب اتعبتو البدو بالسريات واتعبتو بعارينها حسـّان الكريمي حنا لنا مذهبٍ طيب ونمشي مع صحيح الدروب والقاله الوافيه ياصاحبي صياف موفينها المشكله يالسحيمي كلبوها عند ديس الحلوب انته تبيها وغيرك ناس ياصياف باغينها صيـّاف الحربي الخير واجد ولا احدٍ يدخل البيت الفقير مغصوب اشوف بعض البضايع دوب فِكت من كراتينها ماني مفتش جيوب الناس مثل مفتشين الجيوب واللي يدور لسان الشاه مايؤمن على عينها حسـّان الكريمي ترا الليالي لها غرات لو ان الحساب محسوب لا تأمن أيامك اللي شينها غطا على زينها لوتجمع الطب كله مانته مداوي جروح القلوب وأنتم سبب في جروح قلوبكم وانتم طواعينها صيـّاف الحربي بكره تسير البواخر في بحرها كان هبت هبوب والظاهر انك لاسايقها ولا انته من سلاطينها وان كان حصلتها زحمه تعلق لين تلقى ركوب وان طحت فوق الجبال السود ثارت بك براكينها ## حسـّان الكريمي حنا هل الاوله ياصاحبي ومطوعين الصعوب خل الأمانات ياصياف في حوزة موامينها وانتم هل الطيبه في قسمكم مااقول فيكم عيوب لكن بعض المرار نفوسكم تحضر شياطينها صيـّاف الحربي انتم هل الاوله والثانيه نكبه وراحت نكوب الارض تزعل على صاحينها مدري مجانينها عليك بالهون ياحسان وعلوم العرب دوب دوب واليا سلم راسها من يمكم تسلم كراعينها حسـّان الكريمي ماضاقت الا على واحد غشيم ولايعرف الوجوب وانا يديّه نظيفه والعرب ماالمس مواعينها حنا اشرقت شمسنا والا انت شمسك هكبت للغيوب انشد وتلقى التواريخ القديمه في دواوينها