Conversas Concello Dixital. Eva Tajes, E-Responsable do Concello de Muros.

Conversamos con Eva Tajes, E-Responsable do Concello de Muros, en pleno proceso de transformación digital da súa entidade. A adopción do novo modelo de relación administrativa coa cidadanía conleva unha serie de retos, especialmente na poboación maior e con menos alfabetización dixital. O acompañamento que realizan no seu traballo diario as empregadas e empregados públicos dos concellos rurais ás persoas nos seus trámites e xestións cunha Administración cada vez máis encamiñada á contorna electrónica, está a evitar que ninguén quede ao marxe da sociedade dixital. Reflexionamos con Eva do impacto que supón este esforzo de pedagoxía cos veciños e veciñas, e de como se asume a nova forma de traballar coa Administración Electrónica na súa operativa diaria. Queremos saber como Concello Dixital e a Deputación da Coruña lles está a axudar con todos estes retos.