'HATMA YA TAIFA HILI LIPO KWA VIJANA'

DAR ES SALAAM: SERIKALI imezindua Mradi wa Keyjana Impact, unaofadhiliwa na Ufalme wa Denmark kupitia Shirika la Maendeleo la Kimataifa la Denmark (DANIDA) wenye thamani ya Sh bilioni 1.2, ukiwa na lengo la kuwawezesha vijana kushiriki kikamilifu katika maendeleo, kukabiliana na athari za mabadiliko ya tabianchi na kunufaika na fursa za uchumi wa kijani na buluu. Mradi huo ulianzishwa na vijana watano wa Kitanzania waliopata mafunzo nchini Denmark kuhusu Malengo ya Maendeleo Endelevu (SDGs), ambapo walijifunza masuala ya uongozi, ushiriki wa vijana katika maendeleo na mabadiliko ya tabianchi. Baada ya kurejea nchini, walianzisha Keyjana Impact kwa lengo la kuwajengea uwezo vijana wenzao, huku utekelezaji wake ukifanywa na ActionAid Tanzania. Awamu ya kwanza itanufaisha mikoa ya Kigoma, Ruvuma, Mara na Pemba. Akizindua mradi huo leo Julai 17, Naibu Katibu Mkuu wa Ofisi ya Rais (Wizara ya Maendeleo ya Vijana), Dk. Kedmon Mapana, amesema serikali itaendelea kushirikiana na wadau wa maendeleo katika kuwawezesha vijana ili kufikia Dira ya Taifa ya Maendeleo 2050. Amesema serikali pia imeelekeza asilimia 30 ya zabuni zinazopitia mfumo wa manunuzi ya umma zitengwe kwa vijana na imetenga Sh bilioni 200 za mikopo kwa ajili ya kuwawezesha kiuchumi. Follow us on: FACEBOOK; SpotiLeo:   / spotileo-176.  . HabariLeo:   / habarileo   DailyNews:   / dailynewstz   INSTAGRAM; HabariLeo: https://instagram.com/habarileo_tz?ig... SpotiLeo: https://instagram.com/spotileo?igshid... TWITTER; Twitter HabariLeo: https://twitter.com/HabariLeo?s=09