TAVE ME MISH VIÇI DHE PRESH/ BUKE MISRI ME PRESH, EREZA DHE QUMESHT (Recete nga znj.Katerina)

“Kendi I gatimit” nga znj.Katerina ne Vila24 – 21 janar, 2020 TAVE ME MISH VIÇI DHE PRESH 1 kg mish 1.5 kg presh 1-2 karrota ½ gotë verë ose 1gj uthull 1 spec gogozhare ose ½ ls piper i kuq 1 filxhan pure domate ose 1 lgj salcë 500 ml lëng mishi Kripë, piper, dafinë Majdanoz për servirje Presim preshin në rrathë 2.5 cm dhe karrotat në fetëza të rrumbullakta. I vendosim në një tavë, i spërkasim me kripë, piper dhe vaj ulliri dhe i vendosim në furrë për 20 minuta. Në një tenxhere hedhim vaj ulliri dhe kaurdisim racionet e mishit së bashku me qepën. E shuajmë mishin me pak verë dhe më pas shtojmë specin gogozhare ose piper të kuq. Shtojmë salcën e domates dhe e lemë të marrë valë për 2-3 minuta. Më pas shtojmë lëngun e mishit, rregullojmë shijen me kripë, piper, gjethe dafine dhe e lemë të ziejë për rreth 45-50 minuta. Kur mishi të jetë gati nxjerrim preshin nga furra dhe vendosim në tavë mishin me gjithë salcë. E rivendosim përsëri në furre dhe e lemë për 25-30 minuta të tjera. BUKE MISRI ME PRESH, EREZA DHE QUMESHT 1 kg presh të grirë hollë (pjesa jeshile) 3 filxhanë miell misri 5-6 filxhanë qumësht Gjalpë dhe vaj ulliri Koper, nenexhik, majdanoz Kripë, piper i zi Në një tas trazojmë mirë të gjithë përbërësit dhe më pas masën e përgatitur e vendosim në një tavë të lyer me pak vaj. E vendosim tavën në furrë (të nxehtë) të piqet në temperaturën 180-200 gradë Celsius për 45-50 minuta. PETULLA QE NUK THITHIN VAJ 250 gr miell 230 ml ujë të vakët 10 gr maja të thatë 1 ls sheqer ¼ ls kripë 1 ls niseshte 1 vanilje Mjaltë, kanellë për servirje Në një enë hedhim majanë, sheqerin dhe e tresim në ujë të vakët, shtojmë më pas miellin e përzier me niseshten, kripën dhe vaniljen. I përziejmë mirë të gjithë përbërësit dhe i lemë mbuluar me membranë kuzhine për rreth 1 orë. Ngrohim vajin në temperaturë mesatare. Marrim një qese pastiçerie, hedhim brumin e petullave, presim majën e qeses dhe fillojmë hedhim brumin toptha toptha duke e ndihmuar prerjen me një gërshërë. Petullat i servirim sipas dëshirës me fara susami, kanellë dhe mjaltë ose thjesht me reçel.