QULLOPITE ME MIELL MISRI DHE KUNGULL/ TRAHANA (Recete nga znj.Katerina)

“Kendi i gatimit” ne News24 – 25 shtator, 2018 QULLOPITE ME MIELL MISRI DHE KUNGULL 500 gr miell misri 500 gr kungull të njomë 1 gotë qumësht 200 gr djathë 2-3 kokrra vezë 1 lk sodë buke ½ lk limontoz 2-3 lgj vaj ulliri 2 lgj gjalpë Majdanoz, koper, nenexhik Fillimisht grijmë kungujt në rende. Në një enë hedhim miellin e misrit, kungullin e grirë, erëzat dhe djathin. Përziejmë qumështin mirë me sodën dhe limontozin. Rrahim vezët, shtojmë qumështin duke e rrahur dhe më pas shtojmë vezët me qumështin në enën ku kemi vendosur përbërësit e tjerë. Shtojmë gjalpin e shkrirë dhe pak vaj dhe e përziejmë mirë brumin. Lyejmë një tavë me pak vaj, e spërkasim me pak miell dhe vendosim masën e përgatitur duke e niveluar mirë. E spërkasim me vajin e mbetur dhe e vendosim të piqet në furrë në temperaturën 200 gradë Celsius për 35-40 minuta. TRAHANA 1 filxhan çaji trahana 1 litër ujë 2 lgj gjalpë 2 lgj vaj ulliri 150 gr djathë të bardhë 3 feta bukë Kripë, piper të zi, piper të kuq Aletrantive: cingaridhe ose sallam turist Vlojmë ujin dhe shtojmë trahananë duke e përzier me lugë druri derisa të fillojë të lidhet. E lemë më pas të ziejë pa e trazuar për 5 minuta (derisa të krijojë flluska). Në një tigan hedhim vajin dhe cingaridhet ose sallamin të prerë në kubikë të vegjël dhe i kaurdisim derisa të skuqen duke shtuar dhe pak gjalpë. Ndërkohë tek trahanaja hedhim bukën e thërrmuar dhe djathin e bardhë, e trazojmë mirë dhe e servirim duke hedhur në pjatë nga një lugë cingaridhe bashkë me pak yndyrë.